දරුවන් දෙදෙනාට නිරුවත් කර ගස් බැද අමානුෂික ලෙස වද දුන් පියා රක්ෂිත බන්ධනාගාරයට.

තම දරුවන් දෙදෙනා නිරුවත් කර ගස් බැද ඇගට මිරිස් කුඩු දමා අමානුෂික ලෙස වද හිංසා සිදු කල පියෙක් හැටන් පොලිසිය විසින් පසුගිය (02) දින රාත්‍රියේ අත්අඩංගුවට ගෙන හැටන් දිසා විනිසුරු සහ මහෙස්ත්‍රාත් ඒ.එල්.හෙට්ටිවත්ත මෙනවිය වෙත ඉදිරිපත් කිරිමෙන් අනතුරුව සැකකරු මේ මස (13) දින දක්වා රක්ෂිත බන්ධනාගාර කිරිමට මහෙස්ත්‍රාත්වරිය නියෝග කලහ.

මෙසේ රක්ෂිත බන්ධනාගාරගත කරනු ලැබුවේ හැටන් දික්ඔය නගර සභාවේ සෞඛ්‍ය අංශයේ කම්කරුවෙකු වශයෙන් සේවය කරන කුඩාගම සමගි මාවතේ පදිංචි මුත්තයියා විජේකුමාර් (36) නැමති සිව්දරු පියයි.

සැකකරු (02) දින පස්වරුවේ බිමත්ව නිවසට පැමිණ බිරිදට පහර දි දරුවන් දෙදෙනා ගසක බැද දරුවන් දෙදෙනාගේ ඇගට මිරිස් කුඩු ඉස අමානුෂික ලෙස වද හිංසා සිදු කිරිම හේතුවෙන් හැටන් පොලිසිය විසින් සැකකරු අත්අඩංගුවට ගෙන වද හිංසාවට ලක් වු දරුවන් දෙදෙනා සහ මව වෛද්‍ය වාර්තාවක් ලබා ගැනිම සදහා දික්ඔය මුලික රෝහලට ඇතුලත් කිරිමට පියවර ගෙන තිබුණි.