‘මගේ ඩිෆෙන්ඩරය ගෙනගිය බවක් මා දන්නේ නෑ..‘ – හිරුණිකා උසාවියේදී කියයි

2015 වසරේ දෙමටගොඩ වෙළෙඳ සැලක සේවය කළ අමිල ප්‍රියංග අමරසිංහ නමැති තරුණයෙක් පැහැරගෙන ගොස් වධ හිංසා පැමිණවීමට ආධාර අනුබල දීම යටතේ හිරුණිකා ප්‍රේමචන්ද්‍රට එරෙහිව නීතිපතිවරයා විසින් ගොනුකළ නඩුව අද (4) කැඳවූ අවස්ථාවේදී,

අමිල ප්‍රියංග අමරසිංහ තරුණයා බලහත්කාරයෙන් පැහැරගෙන යෑම, ඊට ආධාර අනුබල දීම, සාපරාධී පැහැරගෙන යාම සහ බිය ගැන්වීම යන දණ්ඩනීති සංග්‍රහයේ දඬුවම් ලැබිය යුතු වරදවල් සිදු කිරීම යන චෝදනා යටතේ නීතිපතිවරයා මෙම නඩුව පවර ඇත.

විත්තිකාරය කොළඹ මහාධිකරණය හමුවේ කියා සිටියේ, ඇය පාර්ලිමේන්තු මන්ත්‍රීවරියක ලෙස කටයුතු කළ සමයේ සිය පෞද්ගලික ආරක්‍ෂක නිලධාරීන් විසින් අදාල තරුණයා පැහැරගැනීම සඳහා හිරුණිකාට අයත් ඩිෆෙන්ඩර් රථයක් භාවිත කර ඇත්තේ තමන්ගේ කිසිදු දැනුවත්භාවයකින් තොරව බවයි.

දැනට එම ආරක්‍ෂක නිලධාරීන් එම සිදුවීම සම්බන්ධයෙන් වරද පිළිගෙන අධිකරණය නියම කළ දඬුවම්වලට යටත්වී ඇති බැවින් තමන්ට එරෙහිව ගොනුකර ඇති චෝදනාවලින් තමන් නිදොස්කොට නිදහස් කරන ලෙසට ද ඇය කොළඹ මහාධිකරණ හමුවේ ඉල්ලා සිටියාය.

එම නඩුව ලබන මස 19 වැනිදා දක්වා කල්තැබීමට නියෝග කළ මහාධිකරණ විනිසුරුවරයා එදින යළි අධිකරණය හමුවේ පෙනී සිටින ලෙසට විත්තිකාරියට නියෝග කළේය.

The post ‘මගේ ඩිෆෙන්ඩරය ගෙනගිය බවක් මා දන්නේ නෑ..‘ – හිරුණිකා උසාවියේදී කියයි appeared first on ColomboXnews.