KMC, ශ්‍රී ලංකාවේ ඩිජිටල් මුදල් ගනුදෙනුවල විප්ලවීය වෙනසකට Pay&Go සමග එක්වෙයි

ඩිජිටල් මුල්‍ය ගනුදෙනු  සඳහා ශ්‍රී ලංකාවේ ප්‍රමුඛ පෙළේ මොබයිල් ඇප් එකක් වන Pay&Go සමගින් එක්ව, මහනුවර නගර සභාව (KMC), මුල්‍ය ගනුදෙනු සම්බන්ධ නවතම පෙරළිය සමගින් එක්ව තිබේ. Pay&Go හා ඩිජිටල් හවුල්කාරිත්වයට එළඹෙමින් නගර සභාව, ප්‍රදේශයේ ජනතාවට ස්වකීය මුල්‍ය ගනුදෙනු එනම්, බිල්පත්, වරිපනම් බදු මෙන්ම, අනෙකුත් ගෙවීම් සඳහා ද වඩාත්ම පහසු හා කාර්යක්ෂම අවකාශ සලසා දී තිබේ. ඩිජිටල් මුල්‍ය ගනුදෙනු සඳහා Pay&Go සමගින් මෙලෙස අත්වැල් බැඳගැනීම, නගර සභා බල ප්‍රදේශය තුළ ජනතාවට මාහැඟි පහසුව සැලසීමේ සුවිශේෂී සන්ධිස්ථානයක් සනිටුහන් කරන අතර, ශ්‍රී ලංකාවේ ඩිජිටල් පරිවර්තනය හා එක්වීමේ නගර සභාවේ කැපවීමද එමගින් පිළිඹිබු කෙරේ. 

අද්වීතීය පහසුව සමගින් බදු ගෙවීම සම්බන්ධ නවමු අරුතක්

Pay&Go හා ඩිජිටල් හවුල්කාරීත්වයට මෙලෙසින් මුල පිරූ මහනුවර මහ නගර සභාව, ගෝලීය ඩිජිටල් සාක්ෂරතාවයෙහි නව ප්‍රවණතා හා එක්වෙමින් ප්‍රදේශයේ ජනතාවට ආයාසයකින් තොරව Pay&Go මොබයිල් app එක මගින් නගර සභාව වෙත කරන සියලු බදු ගෙවීම් ඩිජිටල් තාක්ෂණය භාවිතයෙන් සිදු කිරීමට අවස්ථාව සලසා දී තිබේ. එය මෙරට බදු ගෙවීම් සම්බන්ධ නවමු අරුතක් දනවන්නක් වන අතරම, බදු ඉතිහාසය තුළ නව යුගයක ආරම්භය ද සනිටුහන් කරන්නකි. ඒ, Pay&Go පරිශීලක හිතකාමී මොබයිල් app එක, ප්‍රදේශය පුරා පිහිටුවා ඇති kiosks යන්ත්‍ර හා ඒකාබද්ධ කරමින් වඩාත් පහසු මුල්‍ය ගනුදෙනු අත්දැකීමක් සඳහා ජනතාවට ඉඩකඩ සලසා ඇති බැවිනි. එබැවින්, මෙය සරල හා කාර්යක්ෂම මූල්‍ය ගනුදෙනුවක් කරා ජනතාව යොමු කිරීමේ පියවරක් පමණක් නොවන අතර, මෙම සුවිශේෂී කඩඉමට එළඹෙමින් ජනතාවගේ යහපැවැත්ම සඳහා කාලීන වශයෙන් වැදගත් සාර්ථක ඩිජිටල් විසඳුම් ක්‍රියාත්මක කිරීමේ KMC හි ප්‍රයත්නයද විදහා දක්වන්නකි.

ඩිජිටල් විප්ලවයට පියවර තැබීම :  දූරදර්ශී අනාගත දැක්මෙන් යුතු,  පුළුල් Pay&Go ජාලය සමගින් භූ සිතියමේ පරිවර්තනීය වෙනසක්

අද වන විට දිවයින පුරා පරිශීලකයින්හට ප්‍රවේශය පහසු කරමින් kiosks යන්ත්‍ර දහසකට වැඩි ප්‍රමාණයකින් යුතුව, POS පර්යන්ත 750 කටත් අධික ප්‍රමාණයක් සහිතව Pay&Go, ශ්‍රී ලංකාවේ ඩිජිටල් මුදල් ගනුදෙනු මුළුමනින්ම වෙනත් මානයක් වෙත හරවා තිබේ. එමෙන්ම එය, මේ වන විටත් සුවිශාල පරිශීලක ප්‍රජාවකගේ විශ්වාසය හා කැමැත්ත දිනාගනිමින් තිබෙන බව, ශ්‍රී ලංකාව පුරාම 100,000 කට අධික පිරිසක් මෙම මොබයිල් app එක ඩවුන්ලෝඩ් කරගෙන තිබීමෙන්ද සනාථ වේ.

මහනුවර නගර සභාව මෙම පියවර වෙත එළඹීමත් සමගින්, නගරයේ භූමි සිතියම ද පරිවර්තනීය වෙනසකට බඳුන්ව තිබේ. නගර වැසියන්ට ගනුදෙනු පහසු කිරීමට නගර සභා පරිශ්‍රය තුළ හා නගරය පුරාමත්, ප්‍රධාන ස්ථානයන්හි නවතම kiosks යන්ත්‍ර සවි කර තිබීම මීට හේතුවයි. ජනතාව වෙත ඩිජිටල් තාක්ෂණයේ අසමසම පහසුව කැන්දමින්, ඔවුන්ගේ බදු හා අනෙකුත් බිල්පත් ගෙවීම සඳහා පහසුවෙන් ප්‍රවේශ වීමට ඒවා නගරය පුරා නිවැරදිව ස්ථානගත කර ඇති බවද විශේෂයෙන් සඳහන් කළ යුතුය. ඒ අනුව, මහනුවර මනරම් වටපිටාවේ සුන්දරත්වය මැද නගර වැසියන්ට ස්වකීය මුදල් වගකීම් කාර්යක්ෂමව ඉටු කර ගැනීම සඳහා ඩිජිටල් වටපිටාව මහනුවර මහ නගර සභාව (KMC) විසින් සකසා තිබේ. Pay&Go සමගින් මෙම හවුල්කාරී ප්‍රයත්නයට එළඹෙමින්, ප්‍රදේශයේ ජනතාව සඳහා ප්‍රගතිශීලී මෙන්ම පරිශීලක – හිතකාමී ඩිජිටල් විසඳුම් පිරි නමමින් ඔවුන්ගේ ජීවන තත්ත්වය ඉහළ නංවාලීමට නගර සභාව මෙලෙස කැපවන බව, KMC හි PR කණ්ඩායම අවධාරණය කරයි.  

තවද, මහනුවර නගර සභාව (KMC) හා ඇති කරගත් සහයෝගීතාව හුදෙක් හවුල්කාරීත්වය අභිබවා යමින්, ශ්‍රී ලංකාවේ ඩිජිටල් නවෝත්පාදන ඇතුළත් ආර්ථිකයක් කරා මෙහෙයවීමේ Pay&Go හි කැපවීම ද හුවා දක්වන්නකි. එමෙන්ම, Pay&Go තවදුරටත් සාර්ථක වර්ධනයක් අත්පත් කර ගනිමින් ව්‍යාප්ත වීමෙන්, මෙරට ඩිජිටල් මුදල් ගනුදෙනුවල විප්ලවීය වෙනසකට මග පෑදූ එකම මොබයිල් app එක බවට නුදුරේදීම පත් වනු ඇති බවද නොඅනුමානය.

The post KMC, ශ්‍රී ලංකාවේ ඩිජිටල් මුදල් ගනුදෙනුවල විප්ලවීය වෙනසකට Pay&Go සමග එක්වෙයි appeared first on Adaderana Biz Sinhala | Sri Lanka Business News.