පොලීසියට එරෙහිව පොලීසිය නඩු කියයි

පසුගිය අරගල සමයේ මෙරට දේශපාලනඥයින්ගේ නිවාස ගිනිතැබීමේ සිද්ධීන් වළක්වාලීමට පියවර නොගත්තේයැයි ස්ථාන මාරුවීම් ලැබ සිටි පොලිස් ස්ථානාධිපතිවරු 05කට මීට පෙර ඇතිකරගත් නීත්‍යානුකූල එකඟතාවයන් පරිදි ස්ථාන මාරුවීම් ලබාදීමට කටයුතු කළ බව අද පොලිස්පති වරයා (29) ශ්‍රේෂ්ඨාධිකරණයට දැනුම් දී තිබේ. 

එම මාරුවීම් ලද පොලිස් ස්ථානාධිපති පස්දෙනා විසින් ගොනුකර තිබූ පෙත්සම් අද ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ලක් ඉදිරියේ කැඳවූ අවස්ථාවේදී පොලිස්පතිවරයා වෙනුවෙන් පෙනී සිටි අතිරේක සොලිසිටර් ජනරාල් විරාජ් දයාරත්න අධිකරණය හමුවේ කරුණු දක්වමින් කියාසිටියේ මේට පෙර අධිකරණය හමුවේ ඇතිකරගත් එකඟතාවය පරිදි එම නිලධාරීන්න්ට සුදුසු පොලිස් ස්ථාන මාරවීම් ලබාදීමට පොලිස්පතිවරයා කටයුතු කර ඇති බවයි.

නමුත් පෙත්සම්කාර පොලිස් ස්ථානාධිපති තුන්දෙනෙකු එම පොලිස් ස්ථාන බාරගැනීමට එකඟතාවය පළකර ඇති අතර දෙදෙනෙකු එකඟතාව පළකර නොමැත. එම මාරුවීම් හරහා තනතුරු පහත හෙළීමක් සිදුව ඇති බැවිනි.

ඒ අනුව මාරුවීම් සඳහා එකඟත්වය පලකළ පොලිස් ස්ථානාධිපති වරුන් දෙදෙනාගේ පෙත්සම් විභාගය අවසන් කිරීමටත්, එකඟ නොවූ පොලිස් ස්ථානාධිපතිවරු දෙදෙනාගේ පෙත්සම් සලකාබැලීම සඳහා මැයි මස 29 වනදා කැඳවන ලෙසත් විනිසුරු මඩුල්ල  නියෝග කළේය.

The post පොලීසියට එරෙහිව පොලීසිය නඩු කියයි appeared first on ColomboXnews.