ජනප්රිය කොලිවුඞ් නළු නාරායනන් විජයරාජ් අලගර්ස්වාමි හෙවත් විජයකාන්ත් අභාවප්රාප්ත විය.
‘ඩී.එම්.ඩී.කේ.’ හෙවත් දේශිය මුර්පොක්කු ද්රවිඩ කසාගම් පක්ෂයේ නිර්මාතෘවරයා ලෙස ද සැලකෙන විජයකාන්ත්, මියගොස් ඇත්තේ ‘කොවිඞ් 19’ හෙවත් නව කොරෝනා වයිරසය ආසාදනය වී ඇති වුණු සංකූලතා හේතුවෙනි. නියුමෝනියා තත්වයක් හේතුවෙන් 28 (බ්රහස්පතින්දා) පෞද්ගලික රෝහලකට ඇතුලත් කිරීමෙන් අනතුරුව සිදු කළ වෛද්ය පර්යේෂණවලින් තහවුරු වී ඇත්තේ ඔහුට කොවිඩ් 19 වෛරසය වැළඳී ඇති බවයි.
මිය යන විට ඔහු 71 වැනි වියෙහි පසු විය.
හමුදා නිලධාරීන්ගේ චරිත බොහොමයකට පණ පෙවීම හේතුවෙන්, විජයකාන්ත්ගේ රසික රසිකාවියන් ඔහු ‘කැප්ටන්’ යන නමින් හැඳුන්වයි.
විජයකාන්ත් සිනමාපට 154කට සිය රංගන දායකත්වය සපයා ඇති අතර දමිල සිනමාවේ වඩාත් රසිකාදරය දිනූ රංගන ශිල්පියෙක් ලෙස හඳුන්වා දීමට හැකි ය.
රංගනයෙන් ලැබූ ජනප්රියත්වයෙන් පසු, විජයකාන්ත්, ‘ඩී.එම්.කේ.’ පක්ෂය හරහා දේශපාලනයට පිවිසියේ, 2005 වසරේදීය. තමිල්නාඩුවේ, සෙසු දේශපාලන පක්ෂවලට අභියෝගයක් වූ විකල්ප දේශපාලන පක්ෂයක් ලෙස ‘ඩී.එම්.ඩී.කේ.’ පක්ෂය ප්රසිද්ධය.
The post සුපිරි කොලිවුඞ් නළු විජයකාන්ත් කොරෝනා වැලඳී මියයයි appeared first on ColomboXnews.
Source From Colomboxnews
Author: Kamal Dhammika
#SriLanka #News #lka