ආයතනික කටයුතු හා අපනයන ප්‍රවර්ධන ප්‍රධානී (AHK) මලින්ත ගජනායක සහ ආයෝජන මණ්ඩලයේ අධ්‍යක්ෂ (ආයෝජන ප්‍රවර්ධන) නිලුපුල් ද සිල්වා ද මෙම සාකච්ඡාවට සහභාගි වූහ.
BOI සහ AHK අතර යහපත් ක්‍රියාකාරී සබඳතාවයක් අඛණ්ඩව පවත්වාගෙන යාම සඳහා AHK හි නව ප්‍රධානියා හඳුන්වාදීම මෙම හමුවෙහි අරමුණ විය.
විශේෂයෙන් මෙම සාකච්ඡාවේ දී ඖෂධ ක්ෂේත්‍රයේ ප්‍රමුඛ පෙළේ ජර්මානු සමාගම්වලට ශ්‍රී ලංකාවේ ආයෝජනය කරන ලෙස ශ්‍රී ලංකා ආයෝජන මණ්ඩලයේ සභාපතිවරයා විසින් ජර්මානු තානාපතිවරයාගෙන් ඉල්ලා සිට ඇති අතර දැනට හම්බන්තොට සංවර්ධනය වෙමින් පවතින ඖෂධ කලාපය පිළිබඳව ද ශ්‍රී ලංකා ආයෝජන මණ්ඩලයේ සභාපතිවරයා, ජර්මානු නාපතිවරයා ඇතුළු කණ්ඩායම දැනුවත් කර ඇත.
එහි දී මේ වන විට ජර්මානු ආයෝජකයින් මුහුණ දෙන ගැටළු සාකච්ඡා කිරීම සඳහාත්, ඔවුනට පහසුකම් සැලසීම වඩාත් ඵලදායි කිරීම සඳහාත් නිරන්තර සංවාද සිදු කිරීමට ද දෙපාර්ශවයම එකඟ වී ඇත.
දැනට සිටින ජර්මානු ආයෝජකයින් සඳහා ආයෝජන මණ්ඩලය විසින් සපයනු ලබන සහය අගය කරන අතරම, කොළඹ ජර්මානු තානාපති කාර්යාලය AHK සමඟ සමීප සහයෝගයෙන් ජර්මානු සමාගම් දිරිමත් කිරීම සඳහා ඵලදායී පහසුකම් සැලසීමේ වැඩසටහනක් ආරම්භ කිරීම සඳහා BOI සමඟ සමීපව කටයුතු කරන බව තානාපතිවරයා ප්‍රකාශ කළේය.
ශ්‍රී ලංකාවට සෘජු විදේශ ආයෝජන ආකර්ෂණය කර ගැනීම සඳහා ඔවුන්ගේ උපරිම සහයෝගය ලබා දෙන බවට ද තානාපතිවරයා වැඩි දුරටත් එහි දී සහතික වී ඇත.
The post ජර්මානු තානාපති BOI නිලධාරීන් හමුවෙයි appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka