හිටපු පොලිස් නිලධාරියෙක් ගස් බැඳ පහර දී ඝාතනය කරලා

දඹුල්ල කණ්ඩලම ප්‍රදේශයේදී පුද්ගලයෙකුව පහරදී ඝාතනය කර තිබේ.

ඝාතනයට ලක්ව ඇත්තේ එම ප්‍රදේශයේම පදිංචිව සිටි 45 හැවිරිදි වියේ පසුවූ දෙදරු පියෙකි.

පොලිස් රාජකාරියේ නිරතව සිටියදී වැඩ තහනමට ලක්ව සිටි පුද්ගලයෙක් මෙසේ ඝාතනයට ලක්ව ඇත.

ඔහුගේ බිරිඳ විදෙස්ගතව සිටින අතර දරු දෙදෙනාද වෙනත් ප්‍රදේශයක වාසය කරන බව මේ වනවිට තොරතුරු අනාවරණය වී තිබේ.

ඊයේ (08)දින ඔහුගේ බිරිඳගේ මව සමග ඇතිවූ ආරවුලක් දුරදිග යාමෙන් අනතුරුව අදාළ කාන්තාවගේ ඥාතීන් සමගද ආරවුලක් ඇතිව වී ඇති අතර පසුව එම පුද්ගලයින් විසින් මෙලෙස මියගොස් ඇති පුද්ගලයා ගසක බැඳ පහරදී ඇති බව මූලික විමර්ශනවලදී අනාවරණය වී ඇත.

එහිදී එම පුද්ගලයා ජීවිතක්ෂයට පත්ව ඇති අතර අදාළ ඝාතනය සම්බන්ධයෙන් සැකපිට 38 හැවිරිදි වියේ පසුවූ අයෙකු පොලීසිය විසින් අත්අඩංගුවට ගෙන තිබේ.

සිද්ධිය සම්බන්ධයෙන් මහෙස්ත්‍රාත් පරීක්ෂණය සිදුකිරීමට නියමිත අතර දඹුල්ල පොලීසිය වැඩිදුර විමර්ශන සිදුකරනු ලබයි.

The post හිටපු පොලිස් නිලධාරියෙක් ගස් බැඳ පහර දී ඝාතනය කරලා appeared first on Colombo Today.