රට මුහුණ දී ඇති ආර්ථික අර්බුදයට හේතුව යහපාලනය යැයි කබ්රාල්ගෙන් චෝදනා

මේ වන විට රට මුහුණ දී ඇති ආර්ථික අර්බුදයට හේතුව කොවිඩ් වාතාවරණය සහ යහපාලන ආණ්ඩුවේ වැරදි ආර්ථික ප්‍රතිපත්ති බව මුදල් රාජ්‍ය අමාත්‍ය අජිත් නිවාඩ් කබ්රාල් මහතා පෙන්වා දී තිබේ.

පවතින අර්බුදය සම්බන්ධයෙන් රජය ගන්නා පියවර පිළිබඳව අද (05)දින පැවති විශේෂ මාධ්‍ය හමුවේදී රාජ්‍ය අමාත්‍යවරයා මේබව සඳහන් කර ඇත.

රාජ්‍ය අමාත්‍ය අජිත් නිවාඩ් කබ්රාල් ,

“2015 සිට 2019 දක්වා අපේ රටේ ආර්ථිකය කෙසේද ඉදිරියට ගියේ. 6.8ක තිබූ වර්ධන වේගය 2.3 දක්වා අඩු වුණා. රුපියලේ අගය රඳවා ගැනීම සඳහා මේ අය අමෙරිකානු ඩොලර් මිලියන 3,089ක් වෙළෙඳපොළට යොමු කළා. එහෙම කළේ නැත්නම් ඒ මුදලත් අපේ සංචිතයේ දැන් තියෙනවා. කොවිඩ් නිසා 2020 දී අපිට දින 66ක් අහිමි වුණා. ඒ කාලය තුළ වර්ධන වේගය -16.7ක් දක්වා අඩු වුණා. ඒක දැවැන්ත ප්‍රශ්නයක්.”