යතුරු පැදියක ගැට ගසා, මාවක් ඔයේ ගිල්වා මැරූ ඇටසැකිල්ලක සුලමුල හෙළිවෙයි

හොරණ මාවක් ඔයේ තිබී යතුරු පැදියක ගැටගසන ලද පුද්ගල ඇටසැකිල්ලක් සොයා ගැනීමෙහි සිද්ධියෙහි සුල මුල අනාවරණය වී තිබේ. ඒ, හොරණ මුලස්ථාන පොලිසිය සිදු කළ විමර්ෂණයකට අනුවයි.

ඉකුත් පෙබරවාරී මස 11වනදා සොයා ගත් මෙම ඇටසැකිල්ල සම්බන්ධයෙන් කළ විමර්ෂණයෙදී අනාවරණය වී ඇත්තේ මෙය ඝාතනයක් බවයි.

ඔහු යුද හමුදාවේ මූලික පුහුණුව ලැබූ අයෙක්. ඝාතනයේ ප්‍රධාන සැකකරු මේ වන විට අත්අඩංගුවට ගෙන ඇති අතර ඔවුන් දෙදෙනා කලක් තිස්සේ මිතුරුකමක් පවත්වාගෙන ගොස් ඇත. ඝාතනයට ලක් වූ පුද්ගලයා, ඝාතනය සිදු කළ පුද්ගලයාගේ නිවසටද ආගිය අයෙකු බවයි අනාවරණ වී ඇත්තේ.

පසුව ඔහු ප්‍රධාන සැකකරුගේ බිරිදට අනියම් ඇසුරක් සඳහා වරින් වර විවිධ යෝජනා කර ඇති බවත් ඒ ඔස්සේ හට ගැණුනු ආරවුලක් මත මෙම ඝාතනය සිදුව ඇති බවත් පොලිසිය පවසයි.