කළුතර බන්ධනාගාරයේ රදවා සිටි රැඳවියෙක් ගෙල වැලලාගෙන සියදිවි හානි කරගෙන තිබේ.
පොලීසිය පැවසුවේ මත්ද්‍රව්‍යවලට ඇබ්බැහි වු පුද්ගලයෙකු මෙලෙස සියදිවි හානිකර ගෙන ඇති බවය.
මියගොස් ඇත්තේ අඟුලාන ප්‍රදේශයේ පදිංචි ව සිටි 38 හැවිරිදි පුද්ගලයෙකි.
අදාළ පුද්ගලයා පසුගිය 15 වන දින හොරොයින් ළඟ තබා ගැනීමේ චෝදනාව යටතේ මොරටුව ප්‍රදේශයේ දී අත්අඩංගුවට ගෙන රක්ෂිත බන්ධනාගාර ගත කර තිබේ.
සැකකරු බන්ධනාගාර වැසිකිළිය තුළ දී සිය ඇඳුමක් ආධාරයෙන් සියදිවි හානි කරගෙන ඇති බවට පරීක්ෂණවලදී අනාවරණය වී ඇති බව පොලීසිය සඳහන් කළේ ය.
සිද්ධිය සම්බන්ධයෙන් කළුතර උතුර පොලීසිය පරීක්ෂණ ආරම්භ කර ඇති අතර මළ සිරුර නාගොඩ රෝහලේ තබා ඇති බව සඳහන් වේ.
The post මත්ද්‍රව්‍යවලට ඇබ්බැහි වු රැඳවියෙක් බන්ධනාගාර වැසිකිළිය තුළ දී සියදිවි නසා ගනී appeared first on Colombo Today.
Source From colombotoday
Author: Lt editor
#SriLanka #News #lka