සෑම වසරකම අපේ‍්‍රල් මස අවසන් සෙනසුරාදා දින ‘ලෝක පශු වෛද්‍ය දිනය’ සමරනු ලබන්නේ සතුන්ගෙන් මිනිසාට බෝ විය හැකි සත්ව රෝග වැළැක්වීම සඳහා පශු වෛද්‍යවරුන්ගේ අවශ්‍යතාව පිළිබඳ වඩාත් අවධාරණය කරමිනි. මානව හා සත්ව යහ පැවැත්ම වෙනුවෙන් ගෝලීය සෞඛ්‍යය නඟා සිටුවීම සඳහා සුවිසල් කාර්ය භාරයක් ඉටු කරන පශූ වෛද්‍යවරුන් මානව පැවැත්ම සඳහා වඩාත් සුවිශේෂී වන්නේ සත්ව, මානව හා පාරිසරික සාධකයන්හි එකිනෙකට ඇති සබඳතාව පිළිබඳ ගැඹුරු අවබෝධය තුළින් බෝවන රෝග පාලනය හා වසංගත වැළැක්වීම වෙනුවෙන් ඔවුන් කටයුතු කරන බැවිනි.
මේ සම්බන්ධයෙන් අදහස් දැක්වූ ශ‍්‍රී ලංකා පශු වෛද්‍ය සංගමයේ සභාපති වෛද්‍ය මොහොමඞ් ඉජාස් මහතා සඳහන් කර සිටියේ ‘‘මහජන සෞඛ්‍ය ආරක්ෂා කිරීමේදී පශු වෛද්‍යවරුන් විසින් ඉටු කරන කාර්ය භාරය බොහෝ විට දකින්නට නොලැබෙන දෙයක් බවයි. එමෙන්ම මෙවර ලෝක පශු වෛද්‍ය දිනයේදී මානව, සත්ව හා පාරිසරික යහපැවැත්ම වෙනුවෙන් පශු වෛද්‍යවරුන් කටයුතු කරන ආකාරය පිළිබඳව ජනතාව දැනුවත් කිරීම ඔවුන්ගේ අරමුණ බවත් මහජන සෞඛ්‍යය සහතික කිරීම සඳහා පශු වෛද්‍යවරුන් දක්වන වටිනා දායකත්වය පිළිබඳ ජනතාවට පුළුල් අවබෝධයක් ලබා දීම තුළින් සියලූ දෙනාට සෞඛ්‍ය සම්පන්න ආනගතයක් උරුම කර දීමට හැකියාව උදාවන බවත් ඔහු පවසා සිටියේය.
මෙවර ලෝක පශු වෛද්‍ය දිනයේදී ආහාර සුරක්ෂිතතාව වෙනුවෙන් පශු වෛද්‍යවරුන්ගේ කාර්ය භාරය පිළිබඳ කතා බහට ලක් කිරීමද විශේෂත්වයක් වේ. ආහාර සුරක්ෂිතතාව තහවුරු කිරීමේදී සත්ව නිෂ්පාදන ක‍්‍රමවේදයන් අධීක්ෂණය කිරීම, සත්ව නිෂ්පාදන සැපයුම් දාමය, මිනිසුන් විසින් පරිභෝජනය කරන මස්, කිරි සහ බිත්තරවල ආරක්ෂාව හා ගුණාත්මක බව සහතික කිරීම වැනි කටයුතු වලදී ප‍්‍රමුඛ කාර්ය භාරයක් ඉටු කරනු ලබයි. මේ තුළින් මිනිසුන්ට අවශ්‍ය පෝෂණය ලබා දීම සහතික කරන අතරම සත්ව ආහාර මඟින් පැතිරෙන රෝග වැළැක්වීම හේතුවෙන් සෞඛ්‍ය සම්පන්න මානව ප‍්‍රජාවක් ගොඩනැගීම වෙනුවෙන්ද ඔවුන් කටයුතු කරන බව පැහැදිලිව පෙන්වා දිය හැකිය.
තවද මිනිසා හා සතුන් අතර වන සබඳතාව හොඳින් තහවුරු කිරීමද ශ‍්‍රී ලංකා පශු වෛද්‍ය සංගමයේ තවත් සුවිශේෂී සේවාවක් ලෙස සඳහන් කළ හැකිය. බල්ලන්, බළලූන්, හාවුන්, ගිනිපිග් සහ මාළු වැනි සුරතල් සතුන්ගේ සෞඛ්‍ය සහතික කිරීම තුළින් මිනිසාගේ මානසික සෞඛ්‍යය හා යහපැවැත්ම තහවුරු කිරීමට පශූ වෛද්‍යවරු කටයුතු කරති. අධ්‍යනයන්ට අනුව සුරතල් සතුන්ට ආදරය කිරීම තුළින් වැඩිහිටියන්ගේ සහ රෝගීන්ගේ සෞඛ්‍යය තත්වය සැලකිය යුතු ආකාරයෙන් ඉහළ නැංවිය හැකි බව පෙන්වා දී ඇත.
මෙම සැමරීමෙහි තවත් අරමුණක් වනුයේ ජෛව විවිධත්වය ආරක්ෂා කිරීම වෙනුවෙන් පශූ වෛද්‍යවරුන් කටයුතු කරන ආකාරය පිළිබඳව ජනතාව දැනුවත් කිරීමයි. විශේෂයෙන් වන ජීවී සත්ව විශේෂයන් ඇතුළු වඳ වී යාමේ තර්ජනයට ලක්ව සිටින සත්ව විශේෂයන් ආරක්ෂා කිරීම සඳහාද ඔවුන් තීරණාත්මක කාර්යභාරයක් ඉටු කරනු ලබයි. මෙය ජෛව විවිධත්වය පවත්වාගෙන යාමට මෙන්ම යහපත් පරිසරයක් නිර්මාණය කිරීමටද ඉවහල් වේ.
පශු වෛද්‍යවරුන් මහජන සෞඛ්‍ය අධ්‍යාපනය සඳහාද කැපවී කටයුතු කරති. සතුන්ගේ එන්නත්කරණය හා පරපෝෂිත පාලනය මගින් සත්ව රෝග වැළැක්වීම පිළිබඳව ජනතාව දැනුවත් කිරීම සිදු කරනුයේ පශු වෛද්‍යවරුන් විසිනි. එමෙන්ම ප‍්‍රතිජීවක ඖෂධ සතුන්ට භාවිතා කිරීම අවම කිරීම මගින් ප‍්‍රතිජීවක ඖෂධ සඳහා ප‍්‍රතිරෝධයක් ගොඩනැගීම පාලනය කිරීමටද පශු වෛද්‍යවරුන් කටයුතු කරයි.
පශු වෛද්‍යවරුන් වෛද්‍ය පර්යේෂණ සිදු කිරීම මගින් ඣඪෂෘ 19 වැනි වසංගත රෝග වලින් මිනිසුන් ආරක්ෂා කිරීමේ ප‍්‍රමුඛ වැඩ කොටසක් සිදු කරන ලදී. එමෙන්ම එවැනි බෝවන රෝග සඳහා ප‍්‍රතිශක්තිකරණය එන්නත් නිපදවීමටද ඔවුන් මැදිහත් වේ. තවද මිනිසුන්ගේ නිසරුභාවය අවම කිරීම සඳහා විවිධ නවීන තාක්ෂණික ක‍්‍රම සංවර්ධනය කිරීමේදී ද මිනිසුන්ගේ සෞඛ්‍යාරක්ෂිත බව වර්ධනය කිරීම සඳහා පශු වෛද්‍යවරුන් මනා දායකත්වයක් සපයා ඇත.
පශු වෛද්‍යවරුන් ආහාර සුරක්ෂිතතාවය ඇති කිරීම සහ සතුන්ගෙන් මිනිසුන්ට බෝවන රෝග පාලනය සඳහාද ක‍්‍රියා කරයි. එමගින් මිනිසුන්ගේ සෞඛ්‍ය වඩාත් තහවුරු වේ. පශු වෛද්‍ය පර්යේෂණ හරහා ‘එක සෞඛ්‍යක්’ සංකල්පය ඔස්සේ සතුන්ගේ සෞඛ්‍ය මෙන්ම මිනිසුන්ගේ සෞඛ්‍යය සුරැකීමද පශු වෛද්‍යවරුන් සිදු කරයි. නමුත් මිනිසුන්ගේ සෞඛ්‍ය සුරැකීම සඳහා පශූ වෛද්‍ය පර්යේෂණ වල සහ පශු වෛද්‍යවරුන්ගේ දායකත්වය පිළිබඳව මහජනයා තුළ ඇත්තේ අඩු දැනුමකි. ශ‍්‍රී ලංකා පශු වෛද්‍ය සංගමය මෙම හිස්තැන මකාලමින් ‘එක සෞඛ්‍යක්’ සංකල්පය හරහා වර්තමානයේ මෙන්ම අනාගතයේදී ඇතිවිය හැකි මිනිසුන්ගේ සහ සතුන්ගේ සෞඛ්‍ය ගැටළු අවම කිරීමට ක‍්‍රියා කරයි.
ශ‍්‍රී ලංකා පශූ වෛද්‍ය සංගමය 1940 දී ආරම්භ කරන ලද අතර එය පශු වෛද්‍යවරුන්ගේ නිපුණතාව සංවර්ධනය කිරීම වෙනුවෙන් පෙනී සිටීම සඳහා කැපවූ වෘත්තීය සංගමයකි. පශු වෛද්‍යවරුන් විසින් සතුන්ගේ සෞඛ්‍ය සුරුකීම තුලින් මිනිසුන්ගේ සෞඛ්‍ය තහවුරු කිිරීමට වක්‍රාකාර යෙන් දායක වීම සැලකිය යුතුයග ඒබැවින් මෙම සංගමය වෛද්‍ය වෘත්තිකයින්, පරිසර වේදීන්, ආර්ථික විශේෂඥයින් සහ සමාජ විද්‍යාඥයින් සමග එක්ව ක‍්‍රියා කරමින් ‘එක සෞඛ්‍යක්’ සංකල්පය නගා සිටුවීම මගින් සෞඛ්‍ය සම්පන්න මිනිස් ප‍්‍රජාවක් ඇති කිරීමට දායක වේ. මේ නිසා කිව හැක්කේ පශූ වෛද්‍ය විද්‍යාවේ ක‍්‍රියාකරකම් තුළින් ලෝකය තූළ සෞඛ්‍යමත් සත්ව ප‍්‍රජාවක් මෙන්ම මානව ප‍්‍රජාවක්ද, සහපත් පරිසරයක්ද නිර්මාණය කරන පශු වෛද්‍යවරුන් අතවශ්‍ය සෞඛ්‍ය වෘත්තිකයින් බවයි.
The post ශ‍්‍රී ලංකා පශූ වෛද්‍ය සංගමය, මහජන සෞඛ්‍යය වෙනුවෙන් සිය කාර්යභාරයෙහි වැදගත්ම පෙන්වා දෙමින් 2024 ලෝක පශූ වෛද්‍ය දිනය සමරයි appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka