ඒකාධිපති ව්‍යවස්ථාවක් වෙනුවෙන් තුනෙන් දෙකක බලයක් ලබාදුන් ශ්‍රී ලංකා මුස්ලිම් කොංග්‍රසයේ මන්ත්‍රීවරුන් ජනතාවගෙන් දැන් සමාව ඉල්ලා පලක් නොවන බව සමගි ජන බලවේගයේ මාධ්‍ය ප්‍රකාශක පාර්ලිමේන්තු මන්ත්‍රී එස්. එම්. මරික්කාර් මහතා කොළඹදී අද(15)දින පැවසීය.
ඔවුන්ට ජනතාවගෙන් හෝ සමගි ජන බලවේගයෙන් කිසිදු සමාවක් හිමි නොවන බව ද මරික්කාර් මහතා සඳහන් කළේය.
කොළඹ මාකස් ප්‍රනාන්දු මාවතේ පිහිටි විපක්ෂ නායක කාර්යාලයේ පැවති මාධ්‍ය හමුවකට එක්වෙමින් ඔහු මේ බව පැවසීය.
මුස්ලිම් ජනතාවට හෝ රටට ආදරය කරානම් කිසිවිටෙකත් ඔවුන් මෙවැනි තීන්දුවක් නොගන්නා බවත් බොරු බේගල් ඇද බා යළිත් ජනතාව අන්දන්න එපා යැයි එම පිරිසෙන් ඉල්ලා සිටින බවත් මරික්කාර් මහතා සඳහන් කළේය.
මුස්ලිම් ජනතාවගේ දුක විකුණා බලයට පැමිණ දේශපාලනයයි ආගමයි පටලවා ගන්න එපා යැයි එම පිරිසෙන් ඉල්ලා සිටින බවත් ඔහු වැඩිදුරටත් පැවසීය.
Source From colombotoday
Author: ctadmin
#SriLanka #News #lka