පොලිස් නිලධාරියෙකුට තග දමූ බස් රියදුරු අත්අඩංගුවට

පොලිස් නිලධාරියෙකුට බැන තර්ජනය කළ මාර්ග අංක 176 බස් රථ රියදුරෙකු පොලීසිය විසින් අත්අඩංගුවට ගෙන තිබේ.

සැකකාර රියදුරා ඊයේ(1)දින මෙලෙස බැන තර්ජනය කර ඇත්තේ වැලිකඩ පොලීසියේ රථවාහන අංශයේ නිලධාරියෙකුටය.

බස් රථය මාර්ග නීති උල්ලංඝනය කිරීමක් සම්බන්ධයෙන් දඩ පත්‍රිකාවක් ලබාදීමට යාමේදී සැකකරු මෙලෙස පොලිස් නිලධාරියට බැන තර්ජනය කරනු ලබයි.

එම සිද්ධිය වූ අවස්ථාවේ වීඩියෝ පටයක් ද මේ වනවිට සමාජ මාධ්‍ ඔස්සේ හුවමාරු වෙමින් පවතී.

සිද්ධිය සම්බන්ධයෙන් පරීක්ෂණයක් සිදුකළ වැලිකඩ පොලීසිය විසින් සැකකාර බස් රථ රියදුරා මහරගම නීලම්මහර ප්‍රදේශයේදී අත්අඩංගුවට ගෙන තිබේ.

The post පොලිස් නිලධාරියෙකුට තග දමූ බස් රියදුරු අත්අඩංගුවට appeared first on Colombo Today.