පෙට්‍රල් රැගත් නෞකාවක් අද දිවයිනට

පෙට්‍රල් මෙට්‍රික් ටොන් 35,000ක් රැගත් නෞකාවක් අද (11) මධ්‍යම රාත්‍රියේදී දිවයිනට පැමිණෙන බව විදුලි බල සහ බලශක්ති අමාත්‍ය කංචන විජේසේකර පවසයි.

ට්විටර් පණිවිඩයක් නිකුත් කරමින් අමාත්‍යවරයා මේ බව සඳහන් කර ඇත.

අදාළ පෙට්‍රල් නෞකාවේ ගොඩබෑමේ කටයුතු හෙට (12)දින සිදු කිරීමට නියමිත බව කංචන විජේසේකර මහතා ප්‍රකාශ කළේ ය.

අමාත්‍යවරයා වැඩිදුරට ත් සඳහන් කළේ, මහ බැංකුවේ සහය ඇතිව ඊයේ (10) දිනයේදී ඉන්ධන නෞකාවේ ගෙවීම් කටයුතු සිදු කර අවසන් වූ බව ය.