පිඟන් සංස්ථාවට උළු කැට වලින් විසිඑක් ලක්ෂයක පාඩුවක්

පිඟන් සංස්ථාවේ උස්වැව කම්හලින් චාවකච්චේරි ප්‍රාදේශීය ලේකම් කාර්‍යාලයට සපයා තිබූ පළමු ශ්‍රේණියේ පැතලි උළු කැට 39,200 ක් ප්‍රතික්ෂේප වී තිබූ අතර එම ප්‍රතික්ෂේප වූ උළු කැට රැගෙන යෑමට සහ එම උළු කැට වෙනුවට හොඳ උළු කැට සැපයීමට සිදුවීම නිසා රුපියල් විසිඑක් ලක්ෂයක පාඩුවක් මණ්ඩලයට දැරීමට සිදුව තිබූ බව විගණන කාර්යාලය නිකුත් කළ වාර්තාවක සඳහන් වේ.

සංස්ථාව සතු කම්හල් නවයෙන් හතක ඉඩම් හා ගොඩනැගිලි වල හිමිකාරීත්වය තහවුරු කිරීම සඳහා හිමිකම් හෝ හෝ ඔප්පු හෝ වෙනත් නිත්‍යානුකූල ලියවිලි මණ්ඩලය සතු නොතිබූ බවද එම වාර්තාව සඳහන් කරයි.

කෝටි හතරකට ආසන්න වටිනා මණ්ඩලයේ ඉඩම් ගොඩනැගිලි වෙනුවෙන් ස්ථාවර වත්කම් ලේඛනයක් නඩත්තු කර නොතිබූ අතර එම ස්ථාවර වත්කම් සමීක්ෂණය කර සමීක්ෂණ මණ්ඩල වාර්තා විගණනයට ඉදිරිපත් කර නොතිබූ බවද විගණන අංශ පවසයි.

The post පිඟන් සංස්ථාවට උළු කැට වලින් විසිඑක් ලක්ෂයක පාඩුවක් appeared first on Colombo Today.