ඥාතීන් හා භාරකරුවන් ඉදිරිපත් නොවු කොවිඩ් මළ සිරුරු රජයේ වියදමින් ආදාහනය කරයි

ඥාතීන් හා භාරකරුවන් ඉදිරිපත් නොවන කොවිඩ් ආසාදිත මිය ගිය පුද්ගලයින්ගේ මාතෘ ශරීර රජයේ වියදමින් ආදාහනය කිරීමට පියවර ගන්නා බව රජයේ ප්‍රවෘත්ති දෙපාර්තමේන්තුව නිවේදනයක් නිකුත් කරමින් සඳහන් කර සිටිනවා.

මේ සඳහා වැයවෙන මුදල ආපදා කළමනාකරණ මධ්‍යස්ථානය විසින් ලබාදීමට නියමිතව ඇත.

කොරෝනා වෛරසය හේතුවෙන් මියගිය මුස්ලිම් ජාතිකයන් කිහිප දෙනෙකුගේ මළ සිරුරු බාරගෙන ආදාහනය කිරීම සඳහා වැයවෙන මුදල් ලබාදීම ඥාතීන් විසින් ප්‍රතික්ෂේප කිරීම හේතුවෙන් මෙලෙස මළසිරුරු කිහිපයක් රෝහල්වල ගොඩ ගැසී පවතින බව වැඩිදුරටත් වරතා වේ.