මේ වන විට නිවෙස් වල සිටින පාසල් දරු දැරියන්ට අන්තර්ජාලය හරහා අධ්‍යාපනය ලබාදෙන ඔන්ලයින් ක්‍රමයෙන් අධ්‍යාපනයේ විෂමතාවය තවත් පුළුල් වී තිබෙන බව ජාතික ජන බලවේග පාර්ලිමේන්තු මන්ත්‍රී ආචාර්ය හරිනි අමරසූරිය මහත්මිය අධ්‍යාපන අමාත්‍යාංශ වැය ශීර්ෂ විවාදයට එක්වෙමින් සඳහන් කරන ලදී.
කණු උඩ, ටැංකි උඩ නැග අන්තර්ජාල සංඥා සෙවීමට පාසල් යන දරු දැරියන් බොහෝමයකට සිදුව තිබෙන බවද මන්ත්‍රිවරිය පෙන්වා දෙන ලදී.
පාසල් දරුදැරියන්ට පමණක් නොව විශ්ව විද්‍යාල වල අධ්‍යාපනය ලබන ශිෂ්‍යයන්ට එය පොදු බව මන්ත්‍රීවරිය වැඩිදුරටත් සඳහන් කරයි.
ඔන්ලයින් අධ්‍යාපන ක්‍රමයක් නිසා දෙමාපියන් ද ප්‍රශ්න රැසකට මුහුණ දී සිටින බව පෙන්වා දෙන මන්ත්‍රීවරිය ඔන්ලයින් අධ්‍යාපනය සඳහා යන වියදම, කුඩා දරුවෙක් නං තනිවම අධ්‍යාපනය ලැබීමට නොහැකි වීම මත වැඩිහිටියකුගේ සහාය අවශ්‍ය වීම මෙන්ම අන්තර්ජාල අධ්‍යාපනය හරහා හොඳ මෙන්ම නරක දෑ ද දරුවන්ට දායාද වෙන බව මන්ත්‍රීවරිය අවධාරණය කරන ලදී.
The post ඔන්ලයින් ක්‍රමයෙන් අධ්‍යාපනයේ විෂමතාවය තවත් වැඩි වී තිබෙනවා – ආචාර්ය හරිනි අමරසූරිය appeared first on ColomboXnews.
Source From Colomboxnews
Author: Kamal Dhammika
#SriLanka #News #lka