චෙක්පත් සොරකම් කල දෙදෙනෙක් පොලිස් අත්අඩංගුවට

චෙක්පත් සොරකම් කර බැංකුවේ තැන්පත් කර මුදල් වංචා කළ සැකකරුවන් දෙදෙනෙකු පොලිසිය විසින් අත්අඩංගුවට ගෙන තිබේ.

මෙලෙස අත්අඩංගුවට ගෙන ඇත්තේ වයස අවුරුදු 32 හා 38 යන වයස්වල පසුවන දෙදෙනෙකි.

එහිදී සැකකරුවන් විසින් 470,000ක වටිනාකමකින් යුතු චෙක්පත් සොරකම් කර බැංකුවේ තැන්පත් කර තිබේ.

සැකකරුවන් අතුරුගිරිය සහ හෝමාගම ප්‍රදේශවල පදිංචිකරුවන් බව විමර්ශනවලදී අනාවරණ වී තිබේ.

ඔවුන් ස්කූටර් වර්ගයේ යතුරුපැදියක අසුන කඩා මෙලෙස චෙක්පත් සොරකම්කර ඇති බව වාර්තා වෙයි.

අත්අඩංගුවට ගන්නා අවස්ථාවේ ඔවුන් එලෙස ලබාගත් මුදලින් රුපියල් 403,000ක මුදලක් ද පොලිස් භාරයට ගෙන ඇත.

අතුරුගිරිය පොලිසියට ලද පැමිණිල්ලකට අනුව මෙම සැකකරුවන් අත්අඩංගුවට ගෙන ඇති අතර ඔවුන් අද කඩුවෙල මහේස්ත්‍රාත් අධිකරණය වෙත ඉදිරිපත් කිරීමට නියමිතව ඇත.