කො⁣රතොට ඉන්ධනහලකට බෝම්බ ප්‍රහාරයක්

යතුරු පැදියකින් පැමිණි පුද්ගලයන් දෙදෙනකු කඩුවෙල කො⁣රතොට ප්‍රදේශයේ පෞද්ගලික ඉන්ධන පිරවුම්හලකට අද (12) දින අලුයම පෙට්‍රල් බෝම්බ ප්‍රහාරයක් එල්ල කර පලා ගොස් තිබෙන බව නවගමුව පොලිසිය පවසනවා.

ඉන්ධන පිරවුම්හල වසා තිබූ අවස්ථාවේදී කඩුවෙල අතුරුගිරිය ප්‍රධාන මාර්ගයේ යතුරු පැදිය නවත්වා අදාල පෙට්‍රල් බෝම්බ ප්‍රහාරය එල්ල කර ඇතත් එය පුපුරා ගොස් නැතැයි ද පොලිසිය කියා සිටියා.

අදාල ඉන්ධන පිරවුම්හලෙහි හිමිකරුගේ නිවස ඉදිරිපිට ද දැනට මාස කිහිපයකට පෙර වෙඩි තබා පලා යාමේ සිද්ධියක් ද වී ඇති අතර මෙය විදේශගතව සිටින “කයිවාරු මුතූවා” නැමැත්තා මෙහෙයවනු ලබන සිද්ධීන් ජාලයක් බවට ද පොලිසිය සැක කර සිටිනවා.

කොරතොට “කයිවාරු මුතූවා” නැමැත්තාට කප්පම් ලබාදීම බොහෝ ව්‍යාපාරිකයින් ප්‍රතික්ෂේප කිරීම නිසාවෙන් මෙලෙස කුලීකරුවන් යොදවා ඔවුන්ට තර්ජනය කිරීමට මේ ආකාරයෙන් කටයුතු කරන බවද පැවසෙයි.

The post කො⁣රතොට ඉන්ධනහලකට බෝම්බ ප්‍රහාරයක් appeared first on Colombo Today.