සමගි ජන බලවේගයේ ප්‍රබල මන්ත්‍රීවරියක් වන තලතා අතුකෝරල මහත්මිය එම පක්ෂයේ දේශපාලන කටයුතු පිලිබදව සහ සජිත් පේමදාස මහතා පිලිබදව දැඩි කලකිරීමකට ලක්ව ඇති බව වාර්තා වෙනවා. ඇය මේ දිනවල එම පක්ෂය විසින් සංවිධානය කරන කිසිදු උත්සවයකට හෝ රැස්වීමකට සහභාගී නොවන බවද එම පක්ෂයේ ජේෂ්ඨ ප්‍රකාශකයෙකු කියා සිටියා.
ප්‍රතිපත්ති සහ දේශපාලන සංස්කෘතිය තුල සජබ සහ එක්සත් ජාතික පක්ෂය අතර කිසිදු වෙනසක් නොමැති තත්ත්වයක් තුල දේශපාලන වශයෙන් එකතු විය යුතුය යන මතයේ තදින්ම සිටින මන්ත්‍රීවරුන් අතර ඇයද ඉදිරියෙන්ම සිටින කෙනෙකි.
පසුගිය දිනවල ඇය විසින් ලබාදුන් මාධ්‍ය සාකච්ඡාවක මේ බව මන්ත්‍රීවරිය තරයේම ප්‍රකාශ කලා. එහෙත් ඒ ගැන සජබ ප්‍රධානීන් ඇයට මේ වන තෙක් කිසිදු ප්‍රතිචාරයක් දක්වා නොමැති බවද දැන ගන්නට ඇත.
මේ අතර පසුගිය දිනෙක යුටියුබ් සම්මුඛ සාකච්ඡාවකට සහභාගි වෙමින් ඇය ප්‍රකාශ කලේ සමගි ජන බලවේගය රනිල් වික්‍රමසිංහට සහාය ලබාදිමට එකඟ නොවන්නේ නම් තමා සමඟ මන්ත්‍රීවරු 15 දෙනෙකු සමගි ජනබලවේගයෙන් ඉවත්වන බවද ප්‍රකාශ කරන ලදි. අජිත් මාන්නප්පෙරුම, රාජිත සේනාරත්න, කින්ස් නෙල්සන්, හර්ෂ ද සිල්වා, කාවින්ද ජයවර්ධන, මයන්ත දිසානායක, හර්ෂණ රාජකාරුනා ආදී මන්ත්‍රීවරු ගනනාවක්ම මේ වනවිට රිනිල් වික්‍රමසිංහ සමග එකතුවිය යුතුය යන මතය නියෝජනය කරයි.
ඒ වගේම පසුගිය ගෝඨාභය රාජපක්ෂ සමග ගනුදෙුනු කල රට බංකොලොත් කිරීමට දායක වුනු පිරිස් පක්ෂය සමග සම්බන්ද කරගැනීම පිලිබදව ඇය සිය විරෝධය පලකරන ලදි.
The post සජබ ජේෂ්ඨයෙක් වන තලතා අතුකෝරලත් සජිත්ට … සජබ මන්ත්‍රීන් 15ක් සමඟ ලගදීම එළියට…(වීඩියෝ) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka