අපරාධ පරීක්ෂණ දෙපාර්තමේන්තුවේ වැසිකිළියක් තුළ තිබී වේදනානාශක ඖෂධ පෙති තොගයක් සොයා ගෙන තිබේ.
අවස්ථා තුනකදී එලෙස වේදනානාශක ඖෂධ පෙති සොයාගත් බව පොලිසිය සඳහන් කරයි.
එම ඖෂධ සංවිධානාත්මක අපරාධ කල්ලි සාමාජිකයින් වන කුඩු සලිඳු සහ හරක්කටා යන සැකකරුවන් රඳවා සිටි කුටි ආශ්‍රීත වැසිකිළියකින් හමුවී තිබේ.
සොයාගත් ඖෂධ වැඩිදුර විමර්ශනය සඳහා රජයේ රස පරීක්ෂකවරයා වෙත යොමු කළ බව පොලිසිය ප්‍රකාශ කළේය.
මේ අතර, අපරාධ පරීක්ෂණ දෙපාර්තමේන්තුවෙන් පලාගිය කොස්තාපල්වරයා රැඳි සිටි බැරැක්කයේ තිබි එම ඖෂධ හා සමාන වේදනා නාශක පෙති තොගයක් හමුවී තිබේ.
පොලිසිය සඳහන් කළේ, නඳුන් චින්තකගේ හෙවත් හරක්කටාගේ ආරක්ෂාවට යොදවා සිටි පොලිස් නිලධාරීන් පිරිසකට පොලිස් කොස්තාපල්වරයෙකු යොදවා කිරිටොෆි සහ තේ ලබා දීමේදී මෙම ඖෂධ පෙති කලවම් කර ලබා දී ඇතැයි සැකකරන බවයි.
එම සිද්ධියට සම්බන්ධ ටොෆි සහ තේ ලබාදුන් අදාළ කොස්තාපල්වරයා මේ වන විටත් අතුරුදන්ව ඇතැයි, පොලිසිය ප්‍රකාශ කළේ ය.
The post කුඩු සලිඳු සහ හරක්කටා රඳවා සිටි CIDයේ කුටි ආශ්‍රීත වැසිකිළියකින් වේදනානාශක පෙති තොගයක් සොයා ගැනේ appeared first on Colombo Today.
Source From colombotoday
Author: Admin
#SriLanka #News #lka