“ඉදිරි දෙවසර තුළ රැකියා දෙන්න විදිහක් නැහැ”

ඉදිරි දෙවසර තුළ රැකියා ලබා දීමට ක්‍රමයක් නොමැති බව ක්‍රීඩා අමාත්‍ය නාමල් රාජපක්ෂ පවසයි.

අමාත්‍යවරයා මේ බව පැවසුවේ ඊයේ (06)දින බෙලිඅත්ත ප්‍රදේශයේ පැවැති වැඩසටහනකට සහභාගි වෙමින්.

රැකියා සීමා කිරීම සදහා මුදල් අමාත්‍යාංශය විසින් ඒ සඳහා චක්‍රෙල්කයක් නිකුත් කර ඇති බව ද අමාත්‍යවරයා පැවසීය.

මේ අතර නව කර්මාන්තශාලා 10ක් ඉදිකර එළඹෙන සිංහල හා හින්දු අවුරුද්දට පෙර එම කර්මාන්ත ශාලාව විවෘත කිරීමට සුදානම් බව ද අමාත්‍යවරයා වැඩිදුරටත් පැවසීය.