Sheraton Colombo Hotel විවෘත කරමින් Sheraton Hotels & Resorts විසින් ශ්‍රී ලංකාවේ තවත් හෝටලයක් එළිදක්වන ලදි

ශ්‍රී ලංකාවේ Sheraton හෝටල් සමූහයේ දෙවන හෝටලය වන මෙය මෙරට ව්‍යාපාරික අගනගරයේ හදවතෙහි පිහිටා තිබේ. දෙස් විදෙස් සංචාරකයින්ට සහයෝගයෙන් සම්බන්ධ වෙමින් තමන්ගේම ස්ථානයක් ලෙස කාලය ගත කල හැකි සුවිශේෂීත්වයක් මේ හෝටලය සතු වේ.

අද්විතීය සන්නාම 30කට අධික සංඛ්‍යාවකින් සමන්විත Marriott Bonvoy හි කොටසක් වන Sheraton Hotels & Resorts එහි නවතම දේපල වන Sheraton Colombo Hotel විවෘත කරන බව අද නිවේදනය කළේය. එය කොළඹ නගරයේ විවෘත කරන ලද පළමු Sheraton හෝටලය ලෙස සුවිශේෂී ස්ථානයක් දිනා ගනියි. කාමර 320 කින් සමන්විත මෙම හෝටලය කොළඹ විචිත‍්‍රත්වය සහ සංස්කෘතික පොහොසත්කම හෝටල් පරිශ‍්‍රයට මනාව ඒකාබද්ද කරන අතර ඒ තුළින් දෙස් විදෙස් සංචාරකයින්ට වැඩ කිරීමට, හමුවීමට සහ විවේක ගැනීමට මනා පරිසරයක් බවට නිතැතින්ම පත් වෙයි.

කොළඹ ව්‍යාපාරික සහ වෙළඳපොළ කේන්ද්‍රස්ථානයේ පිහිටි මෙය කොළඹ බණ්ඩාරනායක ජාත්‍යන්තර ගුවන් තොටුපළේ සිට මිනිත්තු 45 ක දුරින් පිහිටා තිබීමද වඩා වැදගත් වේ. Sheraton Colombo Hotel යනු ඒ අනුව බැලූ කළ නාගරික ප‍්‍රබෝධයත් පෞරාණික වටිනාකමත් මනාව මුසු වුණු බිමක පිහිටි ස්ථානයකි. හෝටලයට කිලෝමීටර් 2ක දුරක් ඇතුළත ගංගාරාම විහාරස්ථානය සහ විහාරමහාදේවි උද්‍යානය වැනි සුප‍්‍රසිද්ධ ස්ථාන පිහිටා ඇති අතර, ඓතිහාසික නිදහස් අනුස්මරණ ශාලාව මිනිත්තු 10ක දුරකින් පිහිටා ඇත. සාප්පු සවාරි යෑමට ප‍්‍රිය කරන අය සඳහා, පැරණි ලන්දේසි රෝහලෙහි විසිතුරු භාණ්ඩ පිරුණු සාප්පු සවාරි පරිශ‍්‍රය, කැෆේ, ආපනශාලා නිරතුරුව විවෘතව තිබේ.

Marriott International හි දකුණු ආසියානු කලාපයේ උප සභාපති රංජු ඇලෙක්ස් මහත්මිය ප‍්‍රකාශ කළේ ශ‍්‍රී ලංකාව තුළ Sheraton හෝටල් ජාලය ව්‍යාප්ත කිරීමට හැකිවීම පිළිබඳ ඉතා සතුටට පත්වන Sheraton Colombo Hotel විසින් අර්ථවත් සම්බන්ධතා, ඵලදායිතාව ආදිය සක‍්‍රීයව පවත්වාගෙන යාම සඳහා අවශ්‍ය අගනා අවකාශයන් සහ අත්දැකීම් ලබාගෙන ඇති බවද ඇය වැඩි දුරටත් පැවසීය. ව්‍යාපාරික අරමුණකින් හෝ විවේකය සඳහා සංචාරයක යෙදුණත්, අමුත්තන්ට ඔවුන්ගේ අවශ්‍යතා සහ අපේක්ෂා ඉටු කර ගැනීමට Sheraton Colombo Hotel මත විශ්වාසය තැබිය හැකිය.

Sheraton Colombo Hotel හි, කොටස් දෙකකින් සමන්විත ලොබිය අමුත්තන්ගේ කේන්ද්‍රස්ථානය බඳු වේ. වාතය සහ ආලෝකය මනාව ලැබෙන පරිදි අලංකාර ලෙස නවීන අයුරින් නිර්මාණය කර ඇති මෙය සුවපහසු මෙන්ම උද්‍යෝගිමත් ස්ථානයක් ලෙස කැපී පෙනෙයි. Sheraton Colombo Hotel වර්ග මීටර් 36 සිට 88 දක්වා විහිදෙන මනා සැලසුමකට අනුව නිර්මාණය කර ඇති කාමර සහ 320ක් ඔබ වෙත ගෙන එනු ලබයි. සෑම කාමරයක්ම නවීන ගෘහභාණ්ඩවලින් සරසා ඇති අතර අඟල් 49 රූපවාහිනියක්, අධිවේගී අන්තර්ජාල පහසුකම්, නානකාමර සහ හොඳ රාත‍්‍රී නින්දක් සඳහාම ගැලපෙන ඇඳකින් එම කාමර සමන්විත වේ. Sheraton Club Lounge වෙත ප‍්‍රවේශ වීමට හැකි විශේෂ Club Room එකක් හෝ සුඛෝපභෝගී කාමරයක් තෝරා ගැනීමෙන් අමුත්තන්ට ඔවුන්ගේ පහසුකම් තවත් ඉහළ නංවා ගත හැකිය.

එමෙන්ම හෝටලය ඉහළ මට්ටමේ භෝජන පහසුකම්ද සපයනු ලබයි. Colombo Kitchen හි ඉවුම් පිහුම් මධ්‍යස්ථානය සහ විවෘත කුස්සිය හරහා දෙස් විදෙස් ප‍්‍රණීත ආහාර ඇතුළත් අවන්හලක් ලෙසද හෝටලය තවත් සුවිශේෂීත්වයට පත්වේ. ඉක්මනින් විවෘත කිරීමට නියමිත rooftop හි අවන්හල, එළිමහන් තැබෑරුමක් සහ කදිම භෝජනාගාරයක් ලෙස ක‍්‍රියාත්මක කිරීමට නියමිත අතර එහිදී කොළඹ අහසෙහි සිත් ඇදගන්නාසුළු දසුන් නැරඹීමටද අවස්ථාව සැලසෙනු ඇත. The Pool Bar යනු කොළඹ කාර්යබහුල දවසක් ගත කළ පසු කොක්ටේල් සමඟ ප‍්‍රබෝධමත් වීමට සුදුසුම ස්ථානයකි. ලොබියට යාබදව පිහිටි Ceylon Bake Shop තුළින් නැවුම්ව බේක් කරන ලද පේස්ටි‍්‍ර, සැන්ඞ්විච්, කෝපි සහ තේ තෝරා ගැනීමට හැකි අතර, Colpetty Lounge හිදී අමුත්තන්ට හෝටලය සුවපහසුව විඳගනිමින් විශේෂයෙන්ම සකසනු ලබන ප‍්‍රනීත කොක්ටේල් මිශ‍්‍රණයක රස බැලීමට හැකිය.

19 වන මහලේ ඇති සුවිශේෂී ඉඩකඩක පිහිටා ඇති Sheraton Club Lounge, Marriott Bonvoy හි Elite සාමාජිකයින්ට විශේෂිතවූ පරිශ‍්‍රයක් වනවා මෙන්ම විශේෂ ආහාර පාන තෝරා ගැනීම්, වැඩි දියුණු කළ පහසුකම් ආදියෙන් සමන්විත වූ එ හරහා පැය 24 පුරා ක‍්‍රියාත්මක වන පහසුකම් සපයනු ලබයි. සම්පූර්ණයෙන්ම විවේකය සහ ප‍්‍රබෝධවත් බව අපේක්ෂා කරන අමුත්තන්ට SheratonZs Shine Spa වෙත යා හැකි අතර, එහිදී දක්ෂ Balinese therapists කණ්ඩායමක් විසින් පරිපූර්ණ සම්බාහන, මුහුණු සහ ශරීර ස්ක‍්‍රබ් ඇතුළත් විශේෂිත ප‍්‍රතිකාර සඳහා සාදරයෙන් පිළිගනු ඇත.

Sheraton Colombo Hotel විවෘත කිරීම ශ්‍රී ලංකාවේ සිය පළමු Sheraton සන්නාමය සහිත නාගරික හෝටලය ලෙස නව පරිච්ෙඡ්දයක් සනිටුහන් කරන බවත්, කොළඹ යනු ආසියාවේ ආකර්ශනීය නගරයක් වන අතර එය නිරතුරුව විචිත‍්‍රවත් සංස්කෘතියකින් සහ ආකර්ෂණීය දර්ශනවලින් සමන්විත බවත් Sheraton Colombo Hotel හි සාමාන්‍යාධිකාරී රාහුල් මයිනි මහතා පැවසීය. ව්‍යාපාරික අරමුණකින් හෝ විවේකය සඳහා පැමිණියද, Sheraton Colombo Hotel හෝටලය සුපුරුදු ශ්‍රී ලාංකීය ආගන්තුක සත්කාරවල උණුසුමෙන් යුතුව සිය ආරාධිත අවකාශයට අමුත්තන් පිළිගැනීමට සූදානමින් සිටින බව ඔහු වැඩි දුරටත් පැවසීය.

Sheraton Colombo Hotel පිළිබඳව සහ වෙන්කරවා ගැනීම් පිළිබඳ වැඩි විස්තර සඳහා කරුණාකර පිවිසෙන්න: www.marriott.com/en us/hotels/cmbsi-sheraton-colombo-hotel/overview/ www.sheratoncolombohotel.com

 

The post Sheraton Colombo Hotel විවෘත කරමින් Sheraton Hotels & Resorts විසින් ශ්‍රී ලංකාවේ තවත් හෝටලයක් එළිදක්වන ලදි appeared first on Adaderana Biz Sinhala | Sri Lanka Business News.