2021 දෙසැම්බර් 09 දින කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී මෙම සම්මාන උළෙල පැවැත්විණි. මෙහි ජයග්‍රාහකයන් තෝරාගැනීමේදී ප්‍රධාන කාණ්ඩ තුනක් යටතේ, අදියර තුනකදී වාර්ෂික ගිණුම් වාර්තා විශ්ලේෂණයට ලක් කරන ලද අතර, ප්‍රථම අදියරේදී තාක්ෂණික මණ්ඩලයක් මගින්ද, දෙවැනි අදියරේදී අදාළ ක්ෂේත්‍ර වල විශේෂඥයන් පිරිසක් විසින්ද, ඉන් අනතුරුව ප්‍රධාන පෙළේ ගණකාධිකාරීවරයෙකු, නියාමන ආයතන නියෝජිතයන් සහ විද්වතුන්ගෙන් සමන්විත විනිශ්චය මණ්ඩලයක් මගින්ද මෙම වාර්ෂික වාර්තා විශ්ලේෂණයට ලක් විය.
මෙම ජයග්‍රහණය සම්බන්ධයෙන් අදහස් දක්වමින් ලංකා ඉන්ඩස්ට්‍රියල් එස්ටේට්ස් සමාගමේ ප්‍රධාන විධායක නිලධාරී රසික කුරේ මහතා මෙසේ පැවසී ය. “සම්මාන සඳහා ඉදිරිපත් වූ ප්‍රථම වර්ෂයේදීම ජයග්‍රහණයක් හිමිකරගැනීමට හැකිවීම අපට මහත් සතුටක්. මෙය අපගේ ශක්තිමත් ක්‍රියාකාරීත්වයට මෙන්ම, අප වාර්ෂික වාර්තාකරණ රාමුවට අනුකූලව කටයුතු කරන බවට මනා සාක්ෂියක් ලෙස හැඳින්විය හැකියි. අප සමාගමේ ශක්තිමත් ක්‍රමවේදයන්, විනය ගරුක කාර්ය මණ්ඩලය, ප්‍රතිපත්ති, සභාපතිතුමන්ගේ හා අධ්‍යක්ෂ මණ්ඩලයේ මගපෙන්වීම සහ DFCC බැංකුව වෙතින් ලැබෙන ශක්තිය වැනි සාධක නිසා, අභියෝගකාරී වාතාවරණයක් තුළ පවා කැපීපෙනෙන සාර්ථකත්වයක් පෙන්නුම් කිරීමට අපට හැකි වී තිබෙනවා. අපගේ වාර්තාකරණයේ විශිෂ්ටත්වය, ඉහළ මට්ටමේ විශ්වාසනීයත්වයක් සමගින්, සියලුම පාර්ශ්වකරුවන් සමග සන්නිවේදනය පවත්වා ගනිමින්, ආයතනික ක්‍රියාකාරීත්වයේ සීමාවන් අභිභවා යන්නට අප සමත් වන ආකාරය සම්බන්ධයෙන් සාක්ෂි දරනවා. මෙම දුෂ්කර කාලසීමාව පුරාම අපට අත්වැලක් වෙමින් මෙම ජයග්‍රහණය ළඟා කරගැනීමට සිය උපරිම දායකත්වය ලබාදුන් අපගේ සභාපතිතුමන්, අධ්‍යක්ෂ මණ්ඩලය සහ සමස්ත කාර්ය මණ්ඩලය වෙත මාගේ ස්තූතිය පිරිනැමීමට මා කැමතියි.”
ඡායා – (වමේ සිට) ලංකා ඉන්ඩස්ට්‍රියල් එස්ටේට්ස් සමාගමේ සහකාර ගණකාධිකාරී සමන්ත කුමාරසිරි, එහි ජ්‍යෙෂ්ඨ මෙහෙයුම් කළමනාකරු උපුල් සේනානායක, මූල්‍ය පාලක අසින්ත හේවගේ, ප්‍රධාන විධායක නිලධාරී රසික කුරේ, ශ්‍රී ලංකා ගණකාධිකාරී ආයතනයේ සභාපති මනිල් ජයසිංහ, එම ආයතනයේ උප සභාපති සංජය බණ්ඩාර, සහ වාර්ෂික වාර්තා සම්මාන කමිටුවේ සභාපති චාමින්ද කුමාරසිරි යන මහත්වරුන්
The post LINDEL සමාගම, 56 වන ‘වාර්ෂික ගිණුම් වාර්තා’ සම්මාන උළෙලේදී ලෝකඩ සම්මානයක් ලබාගනියි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka