ඇලරිස් ලංකා පුද්ගලික සමාගම මගින් ගෙන්වා බෙදා හරිනු ලබන Facia Premium නිෂ්පාදනල ඖෂධ නියාමන අධිකාරිය විසින් තහනම් කල බවට ප්‍රචාරයක් සමාජ මාධ්‍ය තුල සැරිසරමින් පවතී. මේ පිළිබඳව ජනතාව දැනුවත් කිරීමේ මාධ්‍ය සාකච්ඡාවක් ඇලරිස් ලංකා පුද්ගලික සමාගම විසින් ජනවාරි මස 20 වන දින පවත්වන ලදිග මෙහිදී අනාවරණය වූයේ මෙයට පාදක වන ජාතික ඖෂධ නියාමන අධිකාරිය මගින් නිකුත් කලා යැයි පවසන ලිපිය එම ආයතනයේ ලිපි ශීර්ෂය සහ ප්‍රධාන විධායක නිලධාරියා වන වෛද්‍ය කමල් ජයසිංහ මහතාගේ අත්සන ව්‍යාජ ලෙස භාවිතා කර සකස් කර ඇති ලියවිල්ලක් බවයි. මේ පිළිබඳව අදහස් දැක්වූ එම ආයතනයේ කළමණාකාර අධ්‍යක්ෂක සභාපති තරංග ලංකා වීරවර්ධන මහතා පවසා සිටියේ මේ පිලිබඳව එම ආයතනය මගින් ජාතික ඖෂධ නියාමන අධිකාරිය දැනුවත් කර ඇති අතර අපරාධ පරීක්‍ෂණ දෙපාර්තමේන්තුව වෙත ලිඛිතව දැනුම්දී පරීක්‍ෂණයක්ද පැවැත්වෙන බවයි. මෙම කරුණු සැලකිල්ලට ගෙන මෙම ව්‍යාජ පුවත වැරදීමකින් ජනවාරි 19 වන දින ප්‍රචාරය කල ලංකාවේ ජාතික පුවත් පත් 2 ක් ද මෙය නොපමාව නිවැරදි කරන ලද බවත් මුහුණු පොත (Facebook) වෙතද ආයතනය නිසි ලෙස දැනුවත් කිරීමෙන් අනතුරුව එය සැලකිල්ලට ගෙන සමාජ මාධ්‍ය තුලද මෙම පුවත පරිශීලකයා නොමග යවන ව්‍යාජ පුවතක් (False Information) ලෙස සඳහන් කර ඇති බව එතුමා වැඩි දුරටත් ප්‍රකාශ කලේය.
මීට අමතරව ජාතික ඖෂධ නියාමන අධිකාරියේ ප්‍රධාන විධායක නිලධාරියා වන වෛද්‍ය කමල් ජයසිංහ මහතාද මෙම ව්‍යාජ ලේඛණය පිලිබඳ නිසි පරීක්‍ෂණයක් පවත් වන ලෙසට අපරාධ පරීක්‍ෂණ දෙපාර්තමේන්තුවට දැනුම් දී ඇති අතර එම ලිපියද මෙහිදී මාධ්‍යයට ලබා දෙන ලදි.
මේ පිළිබදව වැඩි දුරටත් ප්‍රකාශ කරමින් එම සමාගම පැවසුවේ වසර 10 කට වැඩි කාලයක් පුරාවට Facia නිෂ්පාදන පිළිබඳ නොමද විශ්වාසයක් තැබූ පාරිභෝගික ජනතාවට මින් සිදුවූ අපහසුතාව පිළිබඳව ඔවුන් ඉතා කණගාටු වන අතර පටු ආර්ථික ලාභ පසු පසම හඹා යන යම් ආයතන සිය`ඵ සමාජ ආචාර්්‍යධර්ම පලුදු කරමින් ඔවුන්ගේ කීර්තිනාමයට හානිවන ලෙස කටයුතු කලද මින් ඉදිරියටද පාරිභෝගිකයන් හට ඉතාමත් ඉහල ගුණාත්මත බවින් යුතු නිෂ්පාදන වගකීමෙන් මෙන්ම සමාජ ආචාරධර්ම සුරකිමින් ලබා දීමට ඇලරිස් ලංකා ආයතනය නිරන්තරයෙන් කටයුතු කරනු ඇත
The post Facia නිෂ්පාදන පිළිබඳව පැතිරී යන ප්‍රචාරවල ඇත්ත නැත්ත appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka
