2021 වර්ෂය තුළ ශ්‍රී ලංකා ක්‍රිකට් කණ්ඩායම ඉදිරියේ දී එංගලන්තය, දකුණු අප්‍රිකාව සහ ස්කොට්ලන්තය යන රටවලට එරෙහිව මුහුණ දීමට නියමිත තරගමාලා සියල්ලකටම Daraz ආයතනය තම අනුග්‍රාහකත්වය ලබා දෙයි.
ගෝලීය ඊ-වාණිජ්‍යය දැවැන්තයෙකු වන අලිබාබා සමාගමට අනුබද්ධිත Daraz සමූහය ක්‍රිකට් ක්‍රීඩාව සඳහා අනුග්‍රාහකත්වය ලබා දෙන්නේ තම සන්නාමයේ ජනප්‍රියත්වය වර්ධනය කිරීමේ අරමුණ පෙරදැරිවය. Daraz ආයතනය බංග්ලාදේශ ජාතික ක්‍රිකට් කණ්ඩායමේ ද ප්‍රධාන අනුග්‍රාහකයා ලෙස කටයුතු කරන නිසා මේ දිනවල පැවැත්වෙන ශ්‍රී ලංකා – බංග්ලාදේශ එක්දින තරගාවලියේ කණ්ඩායම් දෙකටම අනුග්‍රහය දක්වන්නේ එකම සමාගමක් වීම විශේෂිතය. මෙය Daraz ආයතනය දකුණු ආසියාව තුළ පත් වී ඇති ස්ථාවරත්වය තහවුරු කරයි.
මෙම අනුග්‍රාහකත්වය පිළිබඳව අදහස් දක්වමින් Daraz ආයතනයේ කළමණාකාර අධ්‍යක්ෂ රඛිල් ප්‍රනාන්දු මහතා මෙසේ පැවසීය.
“Daraz ආයතනය දිනෙන් දිනම ශක්තිමත්ව වර්ධනය වෙනවා. ඒ වගේම Daraz නාමය අන්තර්ජාල අලෙවි සංස්කෘතිය තුළ සලකුණක් බවට පත් කිරීම අපගේ ප්‍රධානතම අරමුණයි. මෙම අනුග්‍රාහකත්වය එම ඉලක්කය වෙත අපි ඉතා සාර්ථකව ගමන් කරන බවට හොඳ ම සාක්ෂියයි. ශ්‍රී ලංකා ක්‍රිකට් කණ්ඩායමට අනුග්‍රහය දැක්වීම තුළින් ශ්‍රී ලංකාව වෙත Daraz අප තුළ පවතින සහයෝගය සහ කැපවීම පෙන්නුම් කරනවා.”
ශ්‍රී ලංකා ක්‍රිකට් ආයතනයේ ප්‍රධාන විධායක නිලධාරි ඈෂ්ලි ද සිල්වා මහතා මෙසේ පැවසීය.
“ශ්‍රී ලංකා ක්‍රිකට් සමඟ අත්වැල් බැඳගැනීම Daraz ගනු ලැබූ විශිෂ්ට පියවරක්. එය ඔවුන්ගේ සන්නාමයේ ප්‍රවර්ධනය සඳහා බෙහෙවින් ප්‍රයෝජනවත් වනු ඇතැයි මම විශ්වාස කරනවා.”
මෙය Daraz පළමු ක්‍රිකට් අනුග්‍රාහකත්වය නොවේ. 2021 වසරේ ජනවාරි මාසයේ පැවැත්වුණු එංගලන්ත කණ්ඩායමේ ශ්‍රී ලංකා සංචාරයේ දී මෙන්ම 2020 වසරේ නොවැම්බර් සහ දෙසැම්බර් මාසවල පැවති ශ්‍රී ලංකා ප්‍රිමියර් ලීග් (SLPL) තරඟාවලියේ දී ද Daraz ආයතනය ශ්‍රී ලංකා ක්‍රිකට් කණ්ඩායමට තම අනුග්‍රාහකත්වය ලබා දී තිබේ. එමෙන්ම 2020 දෙසැම්බරයේ දකුණු අප්‍රිකාවේ සෙන්චූරියන් සහ ජොහැන්නස්බර්ග් හි දී පැවැත්වුණු දකුණු අප්‍රිකා – ශ්‍රී ලංකා ටෙස්ට් තරගාවලියේ දී ශ්‍රී ලංකා කණ්ඩායමට සම අනුග්‍රාහකත්වය ලබා දුන්නේ ද Daraz ආයතනයයි.
The post Daraz ශ්‍රී ලංකා ක්‍රිකට් කණ්ඩායමේ විදේශ සංචාර සඳහා නිල අනුග්‍රාහකයා බවට පත් වෙයි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka