බලපත්‍රලාභී බැංකු විසින් කොවිඩ් ණය සහන යෝජනා ක්‍රමය යටතේ සුදුසුකම් ලබන ණය ගනුදෙනුකරුවන්ගේ ණය අයදුම්පත්, හුදෙක් අසතුටුදායක ණය තොරතුරු (CRIB) වාර්තාවක් මත පමණක් පදනම්ව ප්‍රතික්ෂේප කිරීමෙන් වැළකිය යුතු බව ශ්‍රී ලංකා මහ බැංකුව විසින් සියලුම වානිජ බැංකු සහ බලපත්‍රලාභී විශේෂිත බැංකු වෙත දැනුම් දී සිටී. කොවිඩ් නිසා බලපෑමට ලක් වූ ව්‍යාපාර සහ පුද්ගලයන්ට සහන සැලසීම වෙනුවෙන් පසුගිය සැප්තැම්බර් 01 දින ශ්‍රී ලංකා මහ බැංකුවේ මුදල් මණ්ඩලය විසින් සියලුම බැංකු වෙත යවන ලද චක්‍රලේඛයෙහි මේ බව සඳහන් වේ.
තවද මෙම චක්‍රලේඛයෙහි වැඩිදුරටත් මෙසේ සඳහන් වේ.
මෙම යෝජනා ක්‍රමයට සහභාගී වීම ණය ගැනුම්කරුවන්ගේ ඉදිරි ණය තොරතුරු වාර්තා සහ අනාගත ණය ශ්‍රේණිගත කිරීම් කෙරෙහි බලපෑමක් ඇති නොවන ආකාරයෙන්, මෙම යෝජනා ක්‍රමය යටතේ ලබා දී ඇති ණය ආපසු ගෙවීම කල්දැමීම/ ප්‍රතිව්‍යූහගත කිරීම් වාර්තා කිරීම සඳහා ක්‍රමවේදයක් බලපත්‍රලාභී බැංකු විසින් ශ්‍රී ලංකා ණය තොරතුරු කාර්යාංශය සමඟ සාකච්ඡා කොට සකස් කළ යුතු වේ.
මෙම ණය සහන සඳහා සුදුසුකම් ලබන ණය ගනුදෙනුකරුවන් ඒ සඳහා 2021 සැප්තැම්බර් 21 හෝ ඊට පෙර අයදුම් කළ යුතු වේ.
The post CRIB රිපෝර්ට් අසතුටුදායක ද? ණය සහන දීම බැංකු ප්‍රතික්ෂේප කරනවාද? මහ බැංකුවෙන් දැනුම් දීමක් මෙන්න appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka