සංචාරකයන්ට රට විවෘත කිරීමත් ක්‍රීඩාව පදනම් කර ගනිමින් සංචාරක කර්මාන්තය දියුණු කිරීමට සංචාරක, ක්‍රීඩා හා සෞඛ්‍ය අමාත්‍යාංශ එකාබද්ධ වැඩපිලිවෙල් සැකසීම සදහා විශේෂ සාකච්ඡාවක් ඊයේ (14) දින සංචාරක අමාත්‍යාංශයේදි පැවැත්වින.
මෙහිදි ලබන වසර තුල සංචාරක කර්මාන්තය දියුණු කිරීම සදහා අදාල අමාත්‍යාංශ තුනේ ලේකම්වරුන්ගෙන් සමන්විත ඉහල පෙලේ කමිටුවක් පත් කර ගත් අතර ලබන වසර තුල සෞඛ්‍ය මාර්ගෝපදේශ අනුව සංචාරකයින් ආකර්ශනය කර ගැනීම සදහා දිවයින පුරා ජාත්‍යාන්තර මට්ටමේ ක්‍රීඩා තරගාවලි සංවිධානය කිරීමට සාකච්ඡා විය.
කොවිඩ් තත්වය පාලනය වීමත් සමග ලෝකයේ ප්‍රධාන පෙලේ ක්‍රීඩා තරගාවලි 80 ක් පැවැත්වීමට නියමිත බවත් ලංකාව තුල එම තරගාවලි කිහිපයක් පැවැත්වීමට අවස්ථාව ලබා ගැනීම සම්බන්ධයෙන් අවධානය යොමුව ඇති බවත් මෙහිදි ක්‍රීඩා අමාත්‍යාංශ නිලධාරීහු පැවසුහ. අසියානු කුසලානයට අමතරව එංගලන්තය, බංගලාදේශය ඉන්දියාව හා දකුණු අප්‍රිකානු ක්‍රිකට් කණ්ඩායම් මෙරට සංචාරය කිරීමට මේ වන විටත් කටයුතු සුදානම් කර ඇතැයිද මෙහිදි පැවසින.
මෙම අවස්ථාවට සංචාරක අමාත්‍ය ප්‍රසන්න රණතුංග, ක්‍රීඩා අමාත්‍ය නාමල් රාජපක්ෂ, සෞඛ්‍ය ඇමතිනී පවිත්‍රා වන්නිආරච්චි, රාජ්‍ය අමාත්‍ය ඩී.වී. චානක මහත්ම මහත්මීන් ඇතුළු පිරිසක් එක් වූ අතර හිටපු ටෙස්ට් ක්‍රිකට් නායක ක්‍රීඩක මහේල ජයවර්ධන මහතා ද මෙම අවස්ථාවට එක්විය.
The post සංචාරකයින් ආකර්ශනය කර ගැනීමට දිවයින පුරා ජාත්‍යන්තර මට්ටමේ ක්‍රීඩා තරගාවලි සංවිධානය කිරීමට සාකච්ඡා appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka