කෙසේ වෙතත්, විදේශ සේවා නියුක්තිකයින්ගේ ප්රේෂණ ස්ථාවර ලෙස වර්ධනය වූ අතර, සංචාරක අංශය ඉතා මන්දාගාමී වේගයකින් වුව ද අඛණ්ඩව යථා තත්ත්වයට පත් වෙමින් පැවතුණි. මූල්ය ගිණුම සැලකීමේ දී, 2021 වසරේ මාර්තු මාසයේ දී ද රාජ්ය සුරැකුම්පත් වෙළඳපොළ සහ කොළඔ කොටස් වෙළඳපොළ වෙතින් විදේශීය ආයෝජන හා සම්බන්ධ ශුද්ධ ගෙවීම් සුළු ප්රමාණයක් වාර්තා විය.
උත්සව සමයේ ආනයන සඳහා පැවතුණු ඉල්ලුම් ප්රවණතාවය ද පෙන්නුම් කරමින් මාර්තු මාසය තුළ දී ශ්රී ලංකා රුපියල එ.ජ. ඩොලරයට සාපේක්ෂව අවප්රමාණය විය.
කෙසේ වෙතත්, ප්රධාන වශයෙන් මාර්තු මාසය මැද දක්වා පැවති නියාමන ක්රියාමාර්ගවල සහාය ඇතිව, මහ බැංකුව විසින් දළ නිල සංචිත තත්ත්වය ශක්තිමත් කිරීම සඳහා මෙම මාසය තුළ දී ශුද්ධ පදනම මත විදේශ විනිමය අවශෝෂණය කර ගන්නා ලදී.
මේ අතර, දෙ රට අතර ආර්ථික සංවර්ධනය සඳහා ද්විපාර්ශ්වික වෙළඳාම සහ සෘජු ආයෝජන ප්රවර්ධනය කිරීම සඳහාත්, දෙපාර්ශ්වයේ ම එකඟතාව මත වෙනත් අරමුණු සඳහාත් භාවිත කිරීමට හැකි වන පරිදි ශ්රී ලංකා මහ බැංකුව සහ චීන මහජන බැංකුව 2021 වසරේ මාර්තු මාසයේ දී චීන යුවාන් බිලියන 10ක (ආසන්න වශයෙන් එ.ජ. ඩොලර් බිලියන 1.5ක) ද්විපාර්ශ්වික මුදල් හුවමාරු ගිවිසුමකට එළඹුණි.
The post වෙළඳ හිඟය තවදුරටත් වැඩිවෙයි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka