අධ්‍යයනය සිදු කිරීම සඳහා ලෝක බැංකුව, තාක්ෂණ අමාත්‍යාංශය සහ තොරතුරු හා සන්නිවේදන තාක්ෂණ නියෝජිතායතනය (ICTA) හි නියෝජිතයින් ඇතුළු ඒකාබද්ධ ව්‍යාපෘති කමිටුවක් පත් කෙරේ. එමගින් ලෝක බැංකු දූත මණ්ඩල සාමාජිකයින්, ඓCඨැ සහ අදාළ රජයේ පාර්ශ්වකරුවන් සමඟ තාක්ෂණික සාකච්ඡා සහ සමාලෝචන පවත්වනු ලැබේ. එමෙන්ම ඩිජිටල් තාක්ෂණික පරිවර්තන ක්‍රියාවලියේ වත්මන් අභියෝග අවබෝධ කර ගැනීමට සහ අවශ්‍ය සහාය ලබාදීම නිර්දේශ කිරීමට ලෝක බැංකු මෙහෙයුමේ නියෝජිතයින් අදාළ සියලුම පාර්ශවකරුවන් සමඟ ද සාකච්චා පවත්වනු ඇත.
මෙමගින් ඩිජිටල් සන්වර්තන ක්‍රියාවලිය ශක්තිමත්කිරිම, රාජ්‍ය අංශය හරහා ඩිජිටල් පරිවර්තනයක් ඇති කිරීම සඳහා වත්මන් ක්‍රියාවලීන් තක්සේරු කිරීම, කළමනාකරණය, හැකියාවන් සංවර්ධනය, අධීක්ෂණය සහ ඇගයීම, සහ ආයතනික ධාරිතාව ගොඩනැගීම කෙරෙහි අවධානය යොමු කෙරෙනු ඇත. ඩිජිටල් රාජ්‍ය ක්‍රියාවලිය ව්‍යාපතිය වේගවත් කිරීම සහ අදාළ නියෝජිතායතනවල ධාරිතා සංවර්ධන අවශ්‍යතා ඇතුළුව මාර්ග සිතියමක් සංවර්ධනය සදහා ප්‍රමුඛත්වය දීම තවත් අරමුණකි. අවසන් අරමුණ වන්නේ ව්‍යාපාරික, ඩිජිටල් මෙවලම් සහ සේවා භාවිතා කිරීම, සහ ඩිජිටල් කුසලතා සංවර්ධනය කෙරෙහි අවධානය යොමුකිරීමයි.
තොරතුරු හා සන්නිවේදන තාක්ෂණ නියෝජිතායතනහි අධ්‍යක්ෂ, අධීක්ෂණ සහ ඇගයීම්, ජගත් සෙනවිරත්න මහතා මෙහිදී ප්‍රකාශ කළේ “මෙම තීරණාත්මක අධ්‍යයනය සඳහා ලෝක බැංකු නියෝජිතයන්, තොරතුරු හා සන්නිවේදන තාක්ෂණ නියෝජිතායතනය (ICTA) සමඟ අත්වැල් බැඳගෙන සිටීම, ජාතික ඩිජිටල් පරිවර්තන උපාය මාර්ගයේ අපේක්ෂිත ප්‍රතිඵල සාක්ෂාත් කර ගැනීම දිරියක් වි ඇතිබවයි. එමගින් ජාතික ඩිජිටල් පරිවර්තන ක්‍රියාවලිය කඩිනම් කිරීමටත්, රාජ්‍ය සේවා සැපයීමේ කාර්යක්ෂමතාව සහ ඵලදායිතාව වැඩිදියුණු කිරීමටත්, රැකියා උත්පාදනයටත්, තොරතුරු තාක්ෂණ කර්මාන්තයෙන් ලැබෙන ආදායම ඉහළ නැංවීමටත්, අවසානයේ පුරවැසියන්ගේ යහපැවැත්ම වැඩිදියුණු කිරීමටත් උපකාරී වනු ඇතැයි විශ්වාස කරන බවයි”
Serene Ho Fung Ying (ජ්‍යෙෂ්ඨ ඩිජිටල් සංවර්ධන විශේෂඥ) මහත්මිය විසින් ලෝක බැංකු දූත කණ්ඩායම මෙහෙයවනු ලබන අතර එය සිද්ධාර්ථ රාජා (ජ්‍යෙෂ්ඨ ඩිජිටල් සංවර්ධන විශේෂඥ), ජොනතන් මාර්ස්කල් (ජ්‍යෙෂ්ඨ වැඩසටහන් නිලධාරී) සහ අනීසා මෙන්ඩිස් (උපදේශක), යන අයගෙන් සමන්විත වේ. එමෙන්ම ජේන්ද්‍ර සිං (ජ්‍යෙෂ්ඨ ඩිජිටල් සංවර්ධන විශේෂඥ), සෙබස්තියන් ෆූ (ජ්‍යෙෂ්ඨ උපදේශක), අමි දලාල් (ජ්‍යෙෂ්ඨ ආයෝජන නිලධාරී, IFC), ගොහාර් මලුමියන් (උපදේශක) සහ රොෂානි ජෝර්ජ් (කණ්ඩායම් සහකාර) යන නියෝජිතයෝ ද ඊට එක්ව සිටිති. තොරතුරුහා සන්නිවේදන තාක්ෂණ නියෝජිතායතනයේ සභාපති ඕෂද සේනානායක ,ශ්‍රී ලංකා කණ්ඩායම මෙහෙයවන අතර ප්‍රධාන නීති නිලධාරි ජයන්ත ප්‍රනාන්දු ,ප්‍රධාන ඩිජිටල් රාජ්‍ය නිලධාරි කාංචන තුඩුගල, ප්‍රධාන ඩිජිටල් සේවා නිලධාරී ආචාර්ය රෝහන්ත රොඩ්රිගෝ, ප්‍රධාන ඩිජිටල් ආර්ථික නිලධාරි අනුර දී අල්විස්, අධ්‍යක්ෂ අධීක්ෂණ සහ ඇගයුම් ජගත් සෙනවිරත්න ඇතුළු නියෝජිත පිරිසක් තොරතුරු හා සන්නිවේදන නියෝජිතායතනය නියෝජනය කරමින් මෙම කණ්ඩායමට එක්ව සිටිති.මෙම ලෝකබැංකු නියෝජිත පිරිස ශ්‍රී ලංකා විදුලි සංදේශ නියාමන කොමිෂන් සභාව (TRCSL) සහ අනෙකුත් නියෝජිතායතන/කර්මාන්ත සංවිධානවල නියෝජිතයන් සමඟ ද සාකච්ඡා පැවැත්වීමට නියමිතයි.
The post ලෝක බැංකුව හා ICTA එක්ව ඩිජිටල් සංවර්ධන මෙහෙයුමක් දියත් කරයි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka