මේ අතර, පරිවර්තනය කරනු ලබන අපනයන ආදායමෙන් සහ විදේශ සේවා නියුක්තිකයන්ගේ ප්‍රේෂණවලින් බලපත්‍රලාභී බැංකු විසින් මහ බැංකුව වෙත විකිණිය යුතු අනිවාර්ය විදේශ විනිමය අවශ්‍යතාව ඉවත් කිරීම සහ 2023 වසරේ මාර්තු මස මුල සිට විනිමය අනුපාතිකය පිළිබඳ දෛනික මාර්ගෝපදේශ සැපයීම අත්හිටුවීමත් සමඟ දේශීය විදේශ විනිමය වෙළෙඳපොළෙහි විදේශ විනිමය ද්‍රවශීලතාවයේ වර්ධනයක් නිරීක්ෂණය විය.
ඒ අනුව, 2023 වසරේ මැයි මස 31වන දින දක්වා කාලය තුළ, ශ්‍රී ලංකා රුපියල එක්සත් ජනපද ඩොලරයට සාපේක්ෂව සියයට 22.9ක අතිප්‍රමාණය වීමක් වාර්තා කර ඇත.
අනෙකුත් විදේශ ව්‍යවහාර මුදල්වල හැසිරීම පිළිබිඹු කරමින්, 2023 වසරේ මැයි මස 31 වන දින දක්වා කාලය තුළ දී ශ්‍රී ලංකා රුපියල යූරෝ (22.3%), ස්ටර්ලින් පවුම (19.4%), ජපන් යෙන් (29.6%), ඉන්දියානු රුපියල (22.8%) සහ ඕස්ට්‍රේලියානු ඩොලරය (27.9%) ට සාපේක්ෂව අතිප්‍රමාණය විය.
ශ්‍රී ලංකා මහ බැංකුව විසින් නිකුත් කරන ලද නවතම වාර්තාවක මේ බව සඳහන් වේ.
The post රුපියල උඩ ගිය හැටි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka