“දැනට 4,000 කට ආසන්න ප්‍රමාණයක් ලංකාවේ ඉන්නවා. ඔවුන්ගේ සංචාර අවසන් වුණාට පසු ඒ අය පිටත් කර හැරීමේ ක්‍රමවේදයක් සිදුකිරීම පිළිබඳව සලකා බලනවා. ඒ සම්බන්ධයෙන් මේ වන විට අදාළ අමාත්‍යාංශ වන සංචාරක අමාත්‍යාංශය, විදේශ කටයුතු අමාත්‍යාංශය, ආගමන හා විගමන දෙපාර්තමේන්තුව යන ආයතන අතර සාකච්ඡාවක් සිදුකෙරෙනවා”, යැයි ඔහු පැවසීය.
2022 පෙබරවාරි මාසයේ මුල් දින 22 තුළ ශ්‍රී ලංකාවට 75,898 ක විදෙස් සංචාරකයින් සංඛ්‍යාවක් පැමිණ ඇති අතර එයින් 22% ක්ම පැමිණ ඇත්තේ රුසියාව සහ යුක්‍රේනය රටවලිනි. ප්‍රමාණාත්මකව එය 11,826 ක් සහ 4,835 ක් වශයෙන් වේ.
2022 වසරේ ජනවාරි 01 සිට පෙබරවාරි 22 දක්වා කාලපරිච්ඡේදය තුළ දී විදෙස් සංචාරකයින් 158,225 ක් ශ්‍රී ලංකාවට පැමිණි තිබේ.
මෙයින් වැඩිම සංචංරකයින් සංඛ්‍යාවක් පැමිණ ඇත්තේ රුසියානු සමූහාණ්ඩුවෙන් වන අතර එම ප්‍රමාණය 25,304 කි.
මෙම ලැයිස්තුවේ සිව්වෙනුවට වැඩිම සංචාරකයින් ප්‍රමාණය වන 12,609 ක් පැමිණ ඇත්තේ යුක්‍රේනයෙනි.
මේ අනුව බලන කල සමස්තයක් ලෙස 2022 වසරේ මේ දක්වා මෙරටට පැමිණ තිබෙන සංචාරකයින්ගෙන් 24% ක් හෙවත් 1/4 ට ආසන්න ප්‍රමාණයක් පැමිණ ඇත්තේ මෙම රටවල් දෙකෙනි.
“පසුගිය කාලයේ ලංකාවට සංචාරකයන් විශාල පිරිසක් පැමිණියා. ඔවුන්ගෙන් ප්‍රධාන වශයෙන් සංචාරකයන් පැමිණියේ රුසියාවෙන් සහ යුක්‍රේන්වලින්. එතන දී අපිට ලොකු බලපෑමක් ඇතිවෙනවා“, යැයි මේ පිළිබඳව අදහස් දක්වමින් විදේශ අමාත්‍යාංශ ලේකම් අද්මිරාල් මහාචාර්ය ජයනාත් කොළඹගේ මහතා මාධ්‍ය සාකච්ඡාවක දී පැවසීය.
ඡායාරූපය – පසුගියදා යුක්‍රේනයේ සිට ශ්‍රී ලංකාවට පියාසර කළ SkyUp ගුවන්සේවයෙන් මත්තල ජාත්‍යන්තර ගුවන්තොටුපළට පැමිණි යුක්‍රේන සංචාරකයින් පිරිසක්
The post යුක්‍රේන සංචාරකයින් 4,000 ක් ශ්‍රී ලංකාවේ. තීන්දුවක් අද හෙටම appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka