2024 වසරේ විදුලිබල උත්පාදන සැලසුම, අයක්‍රමය, සේවාවන් වල වියදම්, විදුලිබල උත්පාදනය සදහා අවශ්‍ය වන ඉන්ධන වල මිල, කාලගුණික අනාවැකි සම්බන්ධයෙන් සාකච්ඡා කිරීමට විදුලිබල මණ්ඩලයේ මෙහෙයුම් පද්ධති ඒකකය සමග සාකච්ඡාවක් විදුලිබල මණ්ඩලයේ, ඛනිජ තෙල් නීතිගත සංස්ථාවේ සහ විදුලිබල හා බලශක්ති අමාත්‍යාංශයේ නිලධාරීන් සමග අමාත්‍ය කංචන විජේසේකර ගේ ප්‍රධානත්වයෙන් ඊයේ (31) පවත්වන ලදි.
නව විදුලිබල සබදතා වෙනුවෙන් එකවර මුදල් ගෙවීමට නොහැකි වන මහජනතාවට පහසුකම් සැලසීමේ අවශ්‍යතාව මෙහිදී අමාත්‍යවරයා පෙන්වාදෙන ලදී.
ඒ අනුව නව විදුලිබල සබදතා වෙනුවෙන් ගෙවීම් කටයුතු පහසු කිරීම වෙනුවෙන් වාරික වලින් ගෙවීම් පහසුකම් ලබාදීමට අවශ්‍ය පියවර ගන්නා ලෙස විදුලිබල මන්ඩලයේ ඉහල කළමනාකාරීත්වයට උපදෙස් ලබාදෙන ලදී. එමෙන්ම අනෙකුත් විදුලිබල මණ්ඩලයේ සේවා සඳහා ද වාරිකවලින් ගෙවීමේ පහසුකම් සලසන ලෙස අමාත්‍යවරයා උපදෙස් ලබාදෙන ලදී.
ඒ අනුව විදුලිබල මණ්ඩලය විසින් එම පහසුකම් කඩිනමින් ප්‍රකාශයට පත් කරනු ඇත.
The post නව විදුලිබල සබඳතා පහසු ගෙවීමේ ක්‍රමයට appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka