නවසීලන්ත රැකියා සිහින සැබෑ කරන්න මහ කොමසාරිස් කාර්යාලයේ අනුග්‍රහයෙන් විශේෂිත සම්පත් මධ්‍යස්ථානයක්

මෙරට තරුණ තරුණියන්ට නවසීලන්තයේ රැකියා අවස්ථා ලබා ගැනීම වෙනුවෙන් නවසීලන්ත මහ කොමසාරිස් කාර්යාලයේ අනුග්‍රහය ඇතිව විශේෂිත සම්පත් මධ්‍යස්ථානයක් පිහිටුවනු ලබන බව කම්කරු සහ විදේශ රැකියා අමාත්‍ය මනූෂ නානායක්කාර මහතා පවසයි.

මේ සම්බන්ධයෙන් ෆේස්බුක් සටහනක් තබමින් අමාත්‍යවරයා වැඩිදුරටත් මෙසේ කියා සිටී.

විදේශ රැකියාවක් අපේක්ෂිත තරුණ තරුණියන්ට තියෙන එක හීනයක් තමයි නවසීලන්තයේ රැකියාවක් ලබාගැනීම. නැතිනම් නවසීලන්තය සංක්‍රමණය වීම. ඒ සදහා පවතින හොදම අවස්ථාවක් වෙන්න රැකියා අවස්ථාක් ලබාගැනීමයි. නවසීලන්තයේ රැකියා අපේක්ෂිතයින් සදහා දැනට පවතින රැකියා අවස්ථාවන්, ඒ සදහා අවශ්‍ය සුදුසුකම්, අයදුම් කළ යුතු ආකාරය ඇතුළු සියලුම තොරතුරු පහසුවෙන් ලබාගැනීම සදහා විශේෂිත සම්පත් මධ්‍යස්ථානයක් නවසීලන්ත මහ කොමසාරිස් කාර්යාලයේ අනුග්‍රහයෙන් පිහිටුවනවා. මෙම මධ්‍යස්ථානය හරහා රැකියා අවස්ථාවන්ට අමතරව නවසීලන්තයට සංක්‍රමනය වන ලාංකිකයන්ට අදාළ වන අනෙකුත් සියලු ම තොරතුරුත් ලබා දීමට පහසුකම් සැපයෙනවා.

නීත්‍යනුකූල නොවන ආකාරයෙන් නවසීලන්තයට සංක්‍රමණය වීමට බොහෝ ශ්‍රී ලාකිකයන් පිරිසක් උත්සාහ කරනවා. ඒ අතරම ශිෂ්‍ය සහ සංචාරක වීසා සදහාත් සැලකිය යුතු අයදුම්පත් සංඛ්‍යාවක් යොමු ‍වන බව මා හමුවීමට පැමිණි නවසීලන්ත මහ කොමසාරිස් Michael Edward Appleton මහතා පැවසුවා. එවන් පුද්ගලයන් සදහා දැඩි ව නීතිය ක්‍රියාත්මක කරන බවත් මහකොමසාරිස්වරයා සිහිපත් කළා.

The post නවසීලන්ත රැකියා සිහින සැබෑ කරන්න මහ කොමසාරිස් කාර්යාලයේ අනුග්‍රහයෙන් විශේෂිත සම්පත් මධ්‍යස්ථානයක් appeared first on Adaderana Biz Sinhala | Sri Lanka Business News.