‘ශ්‍රී ලංකාවේ ව්‍යවසායකත්වය සහ ආයෝජන ප්‍රවර්ධනය‘ මැයෙන් ජාත්‍යන්තර කම්කරු සංවිධානය (ILO) විසින් සංවිධානය කරන ලද මෙම සම්මන්ත්‍රණයට එක්වෙමින් මහ බැංකු අධිපති ආචාර්ය නන්දලාල් වීරසිංහ මහතා මේ බව කියා සිටියේය.
“අද වන විට විනිමය අනුපාතිකය තීරණය වීම මුළුමනින්ම වෙළෙඳපොළ බලවේග අනුව ක්‍රියාත්මක වීමට ඉඩ දී තිබෙනවා. ඉදිරියටත් එය එසේ සිදුවේවි. කැපීපෙනෙන අතිප්‍රමාණයක් හෝ අවප්‍රමාණයක් වැනි අනිසි උච්ඡාවචනයක් පැනනැගුණහොත් පමණක්, එහිදී අපි මැදිහත් වෙනවා, නමුත් අපි වෙළෙඳපොළට එරෙහිව යන්නේ නැහැ.“
“විනිමය අනුපාතිකයට ස්ථාවර අගයක් නියම කිරීමට අපි කටයුතු කරන්නේත් නැහැ. ඒ සඳහා අපේ සංචිත නාස්ති කරගන්න අපට අවශ්‍ය නැහැ. එය වෙළෙඳපොළ බලවේග අනුව තීරණය කෙරෙන නම්‍ය විනිමය අනුපාතිකයක් ලෙස පවතීවි.“
ශ්‍රී ලංකා මහ බැංකුවේ දෛනික විනිමය අනුපාතික සටහනට අනුව අද (25) දිනයේ දී එක්සත් ජනපද ඩොලරයක ගැනුම් මිල රු. 297.60 ක් සහ විකුණුම් මිල රු. 310.95 ක් ලෙසින් සටහන් වී තිබුණි.
The post ඩොලරය පාලනයට අපි මැදිහත් වෙන්නේ නැහැ – මහ බැංකු අධිපති appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka