කොළඹ කොටස් වෙළෙඳපොළෙහි ජංගම යෙදුම 2021 E-ස්වාභිමානී සම්මාන උළෙලේ දී ජයග්‍රහණයක් ලබයි

E-ස්වාභිමානී මහා ජූරි සභාව විසින් පසුගියදා පැවති E-ස්වාභිමානී සම්මාන උළෙල – 2021 දී ව්‍යාපාර සහ වාණිජ අංශයේ ජයග්‍රාහකයෙකු ලෙස කොළඹ කොටස් වෙළෙඳපොළෙහි ජංගම යෙදුම ( CSE – Mobile App) තෝරා ගනු ලැබිණි.

E-ස්වාභිමානී යනු ශ්‍රී ලංකා තොරතුරු සන්නිවේදන තාක්ෂණ නියෝජිතායතනයේ (ICTA) මුලපිරීමක් වන අතර එය ඩිජිටල් යෙදුම් නිර්මාණයේ විශිෂ්ටත්වය හඳුනා ගැනීම අරමුණු කර ගෙන ඇත. 2009 වර්ෂයේදී දියත් කරන ලද E-ස්වාභිමානී 2021 ජාතික සහ ජාත්‍යන්තර වේදිකාවල දේශීය ඩිජිටල් දක්ෂතා හඳුනාගෙන ඒවා ප්‍රවර්ධනය කෙරෙන අඛණ්ඩ 11 වැනි සැමරුම් වේ.

‘CSE Mobile App’ කොළඹ කොටස් හුවමාරුව (CSE) සහ ශ්‍රී ලංකා සුරැකුම්පත් හා විනිමය කොමිෂන් සභාවේ (SEC) ඒකාබද්ධ ප්‍රයත්නයක් වන අතර කොළඹ කොටස් වෙළඳපොළේ මූලික ක්‍රියාකාරකම් ඩිජිටල් ලෙස සිදුකිරීමට අවශ්‍ය ක්‍රියාමාර්ග සහ යාන්ත්‍රණයන් හඳුනාගැනීමේ අරමුණින් ආරම්භ කරන ලදී.

CSE සහ SEC යන දෙඅංශයේම නියෝජිතයන්ගෙන් සමන්විත SEC / CSE ඒකාබද්ධ කමිටුව, CSE ජංගම යෙදුම හරහා පරිවර්තනීය ඩිජිටල් පිරිනැමීමක් දියත් කරන ලදී. එය අන්තයේ සිට අවසානය දක්වා ඩිජිටල් ඇතුළත් කිරීම් සහ මාර්ගගත ගිණුම් විවෘත කිරීමේ විශේෂාංගයකි.

පසුගිය වසරේ (2022) සිදු වූ ජංගම යෙදුම වැඩිදියුණු කිරීමේ තුන්වන අදියරේදී, කමිටුව විසින් ශ්‍රී ලංකාවෙන් පිටත වෙසෙන තනිපුද්ගල ආයෝජකයින්ගෙන් ආයෝජන රැගෙන ඒමේ මාර්ග අධ්‍යනය කොට විදේශිකයන්ට පහසුවෙන් CDS ගිණුම් විවෘත කිරීම සහ ආයෝජන අවස්ථා ලබා දීම සඳහා පහසුකම් සංවර්ධනය කරන ලදී. ජංගම යෙදුම වැඩිදියුණු කිරීමේ තුන්වන අදියරේදී නව විශේෂාංග 14ක් ද හඳුන්වා දී ඇත.

අද, CSE ජංගම යෙදුම, භාෂා තුනෙන්ම (සිංහල, ඉංග්‍රීසි සහ දෙමළ) ක්‍රියාත්මක වන අතර එහි පරිශීලකයින්ට සේවා රාශියක් සපයයි. CDS ගිණුමක් විවෘත කිරීම, ආයෝජනය සහ ගනුදෙනු පිළිබඳ අධ්‍යාපනික අන්තර්ගතයන්, කොටස් වෙළඳපල වාර්තා වෙත පහසු ප්‍රවේශය, ආයතනික පුවත්, CSE ඩිජිටල් සේවා, ලාභාංශ, සංචිත ප්‍රාග්ධනීකරණය, හිමිකම් දීමනා වැනි ඉදිරි සාංගමික ක්‍රියාකාරකම් දැනගැනීම සහ නවතම මූලික මහජන කොටස් නිකුත් කිරීම් වලට දායක වීමේ හැකියාව ඒවායින් සමහරකි

CSE ජංගම යෙදුමහි CDS e-connect හරහා, පරිශීලකයෙකුට තනි පුද්ගල ගිණුම් තොරතුරු බැලීමට හැකි අතර ‘My CSE’ හරහා පරිශීලකයෙකුට සමාගම් සහ වෙළෙඳපොළ තොරතුරු වෙත ප්‍රවේශ වීමටද හැකිය.

 

ඡායාරූපය : CSE ප්‍රධාන තොරතුරු නිලධාරී චන්ද්‍රකාන්ත ජයසිංහ මහතා සහ CDS හි නියෝජ්‍ය ප්‍රධාන නදීර අතුකෝරල මහතා ගරු අමාත්‍යවරයා සහ ICTA නිලධාරීන් අතින් සම්මානය ලබා ගත් අවස්ථාව.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

The post කොළඹ කොටස් වෙළෙඳපොළෙහි ජංගම යෙදුම 2021 E-ස්වාභිමානී සම්මාන උළෙලේ දී ජයග්‍රහණයක් ලබයි appeared first on Adaderana Biz Sinhala | Sri Lanka Business News.