මේ සම්බන්ධයෙන් ප්රධාන විධායක නිලධාරී නලින් පෙරේරා මහතාගේ අත්සනින් යුතුව නිවේදනයක් නිකුත් කරමින් මොබිටෙල් සමාගම වැඩිදුරටත් මෙසේ කියා සිටී.
මොබිටෙල් සමාගමේ පරිශ‍්‍රයක් කොවිඞ්-19 බියක් පැතිර යාම හේතුවෙන් වසා දැමීමට කටයුතු කර ඇතැයි යනුවෙන් පුවතක් විවිධ සමාජ ජාල මාධ්‍යයන්හි පැතිර යමින් පවතින බව අපගේ අවදානයට ලක්විය.
ඒ පිළිබඳව මොබිටෙල් සමාගමේ ප‍්‍රතිචාරය මෙසේ සටහන් කරන්නෙමු.
කොවිඞ්-19 රෝගියෙකු සමග සම්බන්ධකම් පැවැත්වූ බවට සැකකෙරෙන තැනැත්තෙකු වෙත නිරාවරණය වූ බවට සැක කෙරෙන අයෙකු (රෝගියාට සෘජුව නොව තුන්වැනි පාර්ශවයකින් විවෘතවූ බවට සැක සහිත) කොළඹ 02, ඩබ්. ඒ. ඞී. රාමනායක මාවතේ පිහිටි මොබිටෙල් ශාඛා කාර්යාලයට පැමිණ ඇති බවට සැක සහිත තත්ත්වයක් උද්ගතවීම හමුවේ, එම කාර්යාල පරිශ‍්‍රය තාවකාලිකව වසා නිසි සෞඛ්‍ය පියවර අනුගමනය කරන්නට මොබිටෙල් සමාගම කටයුතු කරන ලදී.
සෞඛ්‍ය අමාත්‍යාංශය හා අනිකුත් අදාල ආයතන විසින් ප‍්‍රකාශ කර තිබෙන නිසි සෞඛ්‍ය උපදෙස් හා ක‍්‍රියාමාර්ග මෙවැනි අවස්ථාවකදී අනුගමනය කිරීමට මොබිටෙල් සමාගම ඉතාමත් කැපවීමෙන් කටයුතු කරයි.
මෙවැනි රෝග තත්ත්වයක් පිළිබඳ කිසියම් හෝ සැකයක් මතුවූ අවස්ථාවකදී කටයුතු කළ යුතු ආකාරය පිළිබඳව මොබිටෙල් සමාගම සිය කාර්යමණ්ඩලය දැනුවත්කර තිබෙන අතර, සෑම මොබිටෙල් කාර්යාල පරිශ‍්‍රයකම නිසි සෞඛ්‍යාරක්ෂිත පියවරයන් අනුගමනය කරමින් පවතී.
මොබිටෙල් සමාගම සිය පාරිභෝගිකයින්, කාර්යමණ්ඩලය මෙන්ම මහජනතාවගේ සෞඛ්‍ය හා සුරක්ෂිතතාවය සුරැුකීම වෙනුවෙන් අපට ගත හැකි සෑම පියවරක්ම අනුගමනය කිරීමට කටයුතුකර තිබෙන බවද ඔබ වෙත ප‍්‍රකාශකර සිටිමු.
නලින් පෙරේරා,
ප්රධාන විධායක නිලධාරී – මොබිටෙල් (පුද්ගලික) සමාගම.
The post කොවිඩ්-19 බවට සැක අයෙකු ඇවිත් – කොළඹ 02, ඩබ්.ඒ.ඩී. රාමනායක මාවතේ මොබිටෙල් කාර්යාලය තාවකාලිකව වසා දමයි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka