කොමර්ෂල් ලීසිං සහ LOLC ෆිනෑන්ස් S&P SL20 ට

පසුගිය කාලය පුරාවට කොළඹ කොටස් වෙළෙඳපොළේ සියලු කොටස් මිල දර්ශකයෙහි විචලනයට දැඩි බලපෑමක් ඇති කළ සමාගම් දෙකක් වූ Commercial Leasing and Finance PLC සහ LOLC Finance PLC යන සමාගම් S&P Sri Lanka 20 දර්ශකය ගණනය කිරීම සඳහා යොදා ගනු ලබන නවතම සමාගම් 20 ට ඇතුළත් කර තිබේ.

මෙම සමාගමේ දෙකේ ඇතුළත් වීමත් සමඟින් මේ දක්වා එම ලැයිස්තුවේ සිටි Richard Pieris & Co PLC හා Brown & Company PLC සමාගම් දෙක එම ලැයිස්තුවෙන් ඉවත් කර ඇත.

මෙම වෙනස්කම් 2021 දෙසැම්බර් 20 දින සිට බලාත්මක වීමට නියමිතය.

කොළඹ ව්‍යාපාර වස්තු හුවමාරුවේ ලැයිස්තුගත සමාගම් අතුරින් අවම මට්ටම සම්පුර්ණය කරන්නාවූ වෙළෙඳපොල ප්‍රාග්ධනීකරණයකින් යුත් සමාගම් අතරින් විශාලත්වය (වෙළෙඳපොල ප්‍රාග්ධනීකරණය), ද්‍රවශීලතාව හා මූල්‍ය ශක්‍යතාව යන සාධක කෙරෙහි අවධානය යොමුකොට තෝරාගත් සමාගම් 20ක් මෙම දර්ශකය ගණනය කිරීමට භාවිත කරනු ලබයි. මෙම සමාගම් 20 චලිත වෙළෙඳපොල ප්‍රාග්ධනීකරණය (Float-adjusted market capitalization) මහින් බර තබා ඇත්තේ තනි සමාගමක නියෝජනය 15%ක උපරිමයකට යටත් කිරීම හරහා ආයෝජන කළඹෙහි විවිධාංගීකරණය තව දුරටත් වැඩිදියුණු කිරීමේ අරමුණෙනි.

S&P ශ්‍රී ලංකා 20 දර්ශකය අන්තර්ජාතික ප්‍රමිතීන් හා පිළිවෙත් වලට අනුව යමින් නිර්මාණය වී ඇත. මෙහිදී සියලූම කොටස් S&P Dow Jones Indices සහ MCSI යන ආයතන විසින් නිර්මාණය කරන ලද ගෝලීය කර්මාන්ත වර්ගීකරණ ප්‍රමිතින්ට (Global Industry Classification Standard) (GICS) අනුව සලකා බලා වර්ගීකරණයට ලක්වේ. මෙම ක්‍රමවේදය ලොව පුරා සිටින වෙළෙඳපොල සහභාගීකරුවන් විසින් ඉතා පුළුල් ලෙස හාවීතයට ගනු ලබයි. S&P ශ්‍රී ලංකා 20 දර්ශකයට අන්තර්ගතවීම සඳහා එක සමාගමක් සතුව අවම වශයෙන් රුපියල් මිලියන 500ක චලිත වෙළෙඳපොල ප්‍රාග්ධනීකරණයක් තිබීම, මාස 6ක මධ්‍යස්ථ දෛනික ගනුදෙනු වටිනාකම රුපියල්මිලියන 0.5කට නොඅඩුවීම, නැවත සංසන්දනය කිරීම සිදුකරන දිනයට පෙර මාස තුනක කාලය තුල එක මසකදී අවම වශයෙන් දින 10 කදී ගනුදෙනු වී තිබීම හා එම දිනයට පෙර මාස 12ක කාලය තුළ ලාභ උපයා තිබීම අවශ්‍ය වේ. වැඩි විස්තර හා සම්පුර්ණ ගණනය කිරීමේ ක්‍රමවේදය සඳහා www.spindices.com වෙබ් අඩවිය ඔස්සේ ලබාගත හැකිය.

S&P ශ්‍රී ලංකා 20 දර්ශකය සඳහා අදාළ වන කොටස් සමුහයන් (නිෂ්ඡන්ද කොටස් ද ඇතුළුව) පහත පරිදි වේ.

The post කොමර්ෂල් ලීසිං සහ LOLC ෆිනෑන්ස් S&P SL20 ට appeared first on Adaderana Biz Sinhala | Sri Lanka Business News.