මෙම සටහනට අනුව පුද්ගලයෙකු හට සිය මූලික අවශ්‍යතා සපුරා ගැනීම සඳහා මාසයක් තුළ අවශ්‍ය කෙරෙන අවම මුදල රු. 16,975 ක් ලෙසින් දක්වා ඇත.
මෙහි ඇති විශේෂත්වය වනුයේ 2024 ජනවාරි මාසයට සාපේක්ෂව 2024 පෙබරවාරි මාසයේ දී මෙම අගයයෙහි පහළ යාමක් වාර්තා වී තිබීමයි.
ජනලේඛන හා සංඛ්‍යාලේඛන දෙපාර්තමේන්තුව පවසන පරිදි 2024 පෙබරවාරි මාසයේ දී ජාතික පාරිභෝගික මිල දර්ශකයට අනුව මෙරට උද්ධමනය ඊට පෙර මාසයට සාපේක්ෂව පහළ ගොස් තිබීම මෙලෙස දරිද්‍රතා සීමාව පහළ යාමට ප්‍රධාන වශයෙන් හේතු වී තිබේ.
දරිද්‍රතා රේඛා සටහන දිස්ත්‍රික්ක මට්ටමින් ප්‍රකාශයට පත්කෙරෙන අතර එහිදී ඉහළම අගය කොළඹ දිස්ත්‍රික්කයෙන් වාර්තා වේ. ඊට අනුව කොළඹ දිස්ත්‍රික්කය තුළ වෙසෙන පුද්ගලයෙකුට රු. 18,308 ක් සිය අවම මූලික අවශ්‍යතා සපුරා ගැනීමට අවශ්‍ය වනු ඇත. අවම අගය මොනරාගල දිස්ත්‍රික්කයෙන් වාර්තා වන අතර එය රු. 16,231 කි.
ජනලේඛන හා සංඛ්‍යාලේඛන දෙපාර්තමේන්තුව විසින් ප්‍රකාශයට පත් කරන ලද නවතම දරිද්‍රතා රේඛා සටහන පහතින් දැක්වේ.
The post උද්ධමනය අඩු වී දරිද්‍රතා රේඛාව පහළට. මාසයක් ජීවත් වෙන්න අවශ්‍ය අවම මුදල මෙන්න appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka