බිලියන 1.6කට අධික ජනතාවකට ප්‍රවේශ විය හැකි ඉන්දියාව සහ පාකිස්ථානය සමඟ නිදහස් වෙළඳ ගිවිසුම් පවත්වාගෙන යනු ලබන එකම රට ශ්‍රී ලංකාව බව තානාපති ගුණසේකර මහතා මෙහිදී සඳහන් කළේය.
නොරිතකේ පිඟන් භාණ්ඩ නිෂ්පාදන සමාගම සහ ශ්‍රී ලංකාව සතු ගුණාත්මක බවින් ඉහළ මැටිපස පිළිබඳව අවධාරණය කළ ඔහු ශ්‍රී ලංකාව පිළිබඳව ද අවධානය යොමු කරන ලෙස පිඟන් භාණ්ඩ නිෂ්පාදනය ආශ්‍රිත සියලුම සමාගම්වලට ආරාධනා කළ අතර දැනට ලංකාව අත් කර ගෙන සිටින තරඟකාරී ශ්‍රම, කළමනාකරණ සහ උපයෝගිතා අනුපාත ද මෙහි දී සඳහන් කළේය.
ශ්‍රී ලංකා ආයෝජන මණ්ඩලයේ සභාපති රාජා එදිරිසූරිය මහතා විසින් පිළිගැනීමේ කතාව සිදු කළ අතර එහි විධායක අධ්‍යක්ෂ ප්‍රසන්ජිත් විජයතිලක මහතා විසින් සවිස්තරාත්මක ඉදිරිපත් කිරීමක් සිදු කරන ලදී.
ටෝකියෝ හි එක්සත් ජාතීන්ගේ කාර්මික සංවර්ධන සංවිධානයේ ප්‍රධානී යුකෝ යසුනගා මහතා ද මෙම වෙබිනාර් හමුව සඳහා සහභාගි විය.
The post ඉලෙක්ට්‍රික් වාහන බැටරි කර්මාන්තශාලාවක් ශ්‍රී ලංකාවේ ඉදිකිරීමට ජපානයට යෝජනාවක් appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka