අප්‍රේල් මාසයේ දී කොටස් වෙළෙඳපොළේ 1.22% ක වර්ධනයක්. 2020 මුල් මාස 04 සමස්ත වර්ධනය 6.41% ක්

2021 මුල් මාස 04 අවසානයේ දී කොළඹ කොටස් වෙළෙඳපොළ සියලු කොටස් මිල දර්ශක අගය 6.41% ක වර්ධනයක් අත්පත් කර ගැනීමට සමත්ව තිබේ. වසර ආරම්භයේ දී ඒකක 6,774.22 ක් ලෙසින් වාර්තා වූ සියලු කොටස් මිල දර්ශකය 2021 අප්‍රේල් 30 දින වන විට ඒකක 7,208.20 ක් දක්වා මේ අනුව ඉහළ ගොස් ඇත.

මේ අතර 2021 මාර්තු මාසය අවසානයේ දී සියලු කොටස් මිල දර්ශක අගය ඒකක 7,121.28 ක් ලෙසින් සටහන්ව තිබිණි. ඒ අනුව අප්‍රේල් මාසයේ දී ඒය ඒකක 7,208.20 ක් දක්වා 1.22% ක වර්ධනයක් කොටස් වෙළෙඳපොළෙන් වාර්තා වී ඇත.

S&P SL20 දර්ශකයට අනුව 2021 මුල් මාස 04 තුළ දී කොටස් වෙළෙඳපොළේ වර්ධනය 8.76% කි. 2021 වසර ආරම්භයේ දී ඒකක 2,638.10 ක් ලෙසින් සටහන් වූ S&P SL20 දර්ශක අගය 2021 අප්‍රේල් 30 දින ගනුදෙනු අවසානයේ දී ඒකක 2,869.25 ක් ලෙසින් වාර්තා විය.

කොළඹ කොටස් වෙළෙඳපොළ ඉතිහාසයේ ඉහළම සියලු කොටස් මිල දර්ශක වටිනාකම 2021 ජනවාරි 27 දින වාර්තා වූ අතර එය ඒකක 8,812.01 කි.

 

The post අප්‍රේල් මාසයේ දී කොටස් වෙළෙඳපොළේ 1.22% ක වර්ධනයක්. 2020 මුල් මාස 04 සමස්ත වර්ධනය 6.41% ක් appeared first on Adaderana Biz Sinhala | Sri Lanka Business News.