පසුගිය ජනාධිපතිවරණය සහ මහ මැතිවරණයට පෙර මැතිවරණ වේදිකාවල සහ දේශපාලනඥයන් අතර දැඩි කතාබහට ලක් වූ මිලේනියම් චැලේන්ජ් කෝපරේෂන් හෙවත් එම්සීසී ගිවිසුම සම්බන්ධයෙන් මේ වනවිට එතරම් කතාබහට ලක් නොවේ.
එම්.සී.සී. ගිවිසුම වෙනුවෙන් පත්කළ විද්වත් කමිටුව තම වාර්තාවෙන් මෙය ලංකාවේ ස්වෛරීත්වයට සහ ජාතික ආරක්ෂාවට බරපතළ ලෙස හානිකර බව පෙන්වාදී තිබෙන තත්වයක් තුල අදවනවිට නැවත වරක් ඇමරිකාව සමග මෙම එම්සීසී ගිවිසුම අත්සන් කිරීම සම්බන්දයෙන් එකගතාවයකට පැමීණීමට ආණ්ඩුව උත්සාහ කරමින් සිටී.
විදේශ කටයුතු අමාත්යංශයේ ලේකම් ජයනාත් කොළඹගේ මහතාගේ ප්රකාශයක් හරහා මෙම තොරතුරු අනාවරනයවේෙ. විදේශ කටයුතු අමාත්යංශයේ ලේකම් ජයනාත් කොළඹගේ මහතා ඉංග්රීසි පුවත්පතකට පවසා තිබෙන්නේ අදාල ගිවිසුම සම්බන්ධයෙන් අතරමැද තැනකට පැමිණීමට රජයට හැකියාව ලැබෙන බවයි. කෙසේ වෙතත් ඔහු එහිදී එම අතරමැද තැන කුමක්ද යන්න පිළිබඳව නිශ්චිතව පවසා නොමැත.
එම්සීසී ගිවිසුම සම්බන්ධයෙන් අධ්යයනය කිරීම සඳහා පත්කළ විද්වත් කමිටුවේ වාර්තාව කැබිනට් මණ්ඩලයට ඉදිරිපත් කර අනුමැතිය ලබා ගන්නා බවත් ඉන් අනතුරුව එය පාර්ලිමේන්තුවට ඉදිරිපත් කර විවාද කිරීමෙන් අනතුරුව පාර්ලිමේන්තුවේද අනුමැතිය ලබා ගැනීමට කටයුතු කරන බවත් ජයනාත් කොළඹගේ මහතා පවසනවා.
පසුගිය ජනාධිපතිවරණය පෙර එම්සීසී ගිවිසුව ඉරා දැමිය යුතු බවට මැතිවරණ වේදිකාවල ප්රකාශ කළ පුද්ගලයන්ම ජනාධිපතිවරණයෙන් පසුව එහි සාධනීය අංග පිළිබඳව අගය කළ අතර මේ වනවිට එම්සීසී ගිවිසුම සම්බන්ධයෙන් රජය තුළ එතරම් බරපතල විරෝධයක් නොමැත. තමන් බලයට ඇවිත් පැය 24කින් එම්.සී.සී. ගිවිසුම කුණු බක්කියට දානවා කියලා ජනාධිපතිවරණයේදී කියපු පොදුජන පෙරමුණේ මැතිඇමතිවරු දැන් ඒක ගැන කියන්නේ වෙනම කතාවකි.
මේ අතර අමෙරිකාව සමඟ මිලේනියම් චැලෙන්ජ් කෝපරේෂන් ගිවිසුම අස්සන් කිරීම සඳහා ආණ්ඩුව රහස් එකඟතාවක සිටින බව ජනතා විමුක්ති පෙරමුණේ නායක අනුර කුමාර දිසානායක මහතා මහ මැතිවරණයට පෙර ප්රකාශ කරන ලදි. කොළඹ අමෙරිකානු තානාපති කාර්යාලය මේ බව ඉතා පැහැදිලිව ප්රකාශ කර ඇති බවත්, පාර්ලිමේන්තු මැතිවරණය අවසන් වූ වහාම ගිවිසුම අත්සන් කරන බවත් ඔහු එහිදී පැවසීය.
එම්.සී.සී. ගිවිසුමේ කොන්දේසිවලට අනුව අමෙරිකා එක්සත් ජනපදයේ ජාතික ආරක්ෂාවට හානි වන කිසිවක් ලංකාව තුළ ක්රියාත්මක ක්රියාත්මක කරන්න බැහැ. එහෙම වුණොත් මෙම ගිවිසුමෙන් ඒක පාර්ශ්විකව අමෙරිකාවට ඉවත් වෙන්න පුළුවන්. ඒ වගේම අමෙරිකානු ආරක්ෂක අංශ හෝ නිලධාරීන් ලංකාවට පැමිණ සිදු කරන කටයුතු සම්බන්ධ ලංකා රජයට මැදිහත් විය නොහැකියි.
2017දී මෙවැනි එම්.සී.සී. ගිවිසුමක් නේපාල රජයත් එක්ක අත්සන් කළා. ඒ එරට විදුලි නිෂ්පාදනය සම්බන්ධව. ගිවිසුම අත්සන් කරලා වසර දෙකක් ගත වෙනකන් අමෙරිකා ආණ්ඩුවෙන් ඊට මුදල් ලබාදුන්නේ නැහැ. මේ කාලය තුළ අමෙරිකාව තම රටේ ජාතික ආරක්ෂාවට අදාළ ගිවිසුම් 16කට නේපාලයට බලපෑම් කරලා අත්සන් කර තිබේ.
The post MCC ගිවිසුම අත්සන් කිරීමට ආණ්ඩුව සුදානම් – අතරමැද තැනකට පැමිණිය හැකිබව විදේශ ලේකම් ජයනාත් කොළඹගේ කියයි. appeared first on ColomboXnews.
Source From Colomboxnews
Author: Kamal Dhammika
#SriLanka #News #lka