සමගි ජන බලවේගයේ පාර්ලිමේන්තු මන්ත්‍රීවරයෙකු ලෙස පෙනී සිටින ආචාර්ය හර්ෂ ද සිල්වා විසින් ජනාධිපතිවරයා වෙත සෘජුවම ඉදිරිපත් කරන ලද සංවර්ධන ව්‍යාපෘති යෝජනාවන් ක්‍රියාත්මක කිරීම සඳහා ප්‍රතිපාදන නිදහස් කරන ලෙස ජනාධිපති රනිල් වික්‍රමසිංහ මුදල් අමාත්‍යංශයට උපදෙස් ලබා දී තිබෙනවා.
ඒ අනුව ආචාර්ය හර්ෂද සිල්වා විසින් ඉදිරිපත් කර තිබෙන ව්‍යාපෘති යෝජනා 85 ක් ක්‍රියාත්මක කිරීම සදහා රුපියල් මිලියන පනහකට අධික මුදලක් මුදාහරින ලෙස ජනාධිපතිවරයා මෙලෙස නියෝග කර තිබෙන බව වාර්තා වේ.
සමගි ජන බලවේගයේ මන්ත්‍රී ආචාර්ය හර්ෂ ද සිල්වා මහතා රාජ්‍ය මුදල් පිළිබඳ පාර්ලිමේන්තු කාරක සභාවේ සභාපති ධූරයට ද මීට පෙර පත්කරන ලදි. හර්ෂ ද සිල්වා මහතා එම තනතුරට පත් කරන්නැයි ඒ කමිටුවට යෝජනා කරනු ලැබූවේ ජනාධිපති රනිල් වික්‍රමසිංහ මහතා විසිනි.
මේ වනවිට සමගි ජන බලවේගයේ මන්ත්‍රීවරයෙකු ලෙස පෙනී සිටියද හර්ෂ ද සිල්වා වැඩකටයුතු කරමින් සිටින්නේ ජනාධිපති රණිල් වික්‍රමසිංහ සමගය. විශේෂයෙන් පොදුජන පෙරමුණේ මන්ත්‍රී නාලක ගොඩහේවා සජිත් පිලට එක්වීමත් සමග හර්ෂ ද සිල්වා මහතා සජිත්ගෙන් ඈත්වී රනිල් වික්‍රමසිංහට සමීපව කටයුතු කිරීමට පටන්ගෙන තිබේ.
පසුගියදා පැවති රාජකීය ශාන්ත තෝමස් ක්‍රිකට් තරඟය නැරඹීම සදහාද හර්ෂ ද සිල්වා පැමිණ සිටියේ ජනාධිපතිවරයා සමගය..
මේ අතර පසුගියදා ජාත්‍යන්තර මුල්‍ය අරමුදල සමග පක්ෂ විපක්ෂ මන්ත්‍රීවරුන්ගේ හමුවක් සදහා අවස්ථාවක් ලබාදෙන ලෙස හර්ෂ ද සිල්වා මහතා පාර්ලිමේන්තුවේදී ජනාධිපතිවරයාගෙන් ඉල්ලා සිටින ලදි. ඒ පිලිබදව මාධ්‍ය මගින් පුළුල් ප්‍රචාරයක් ලබාදුන්නද ජාත්‍යන්තර මුල්‍ය අරමුදල පැවසුවේ එවැනි හමුවක් සමඟ පිලිබදව තමන් නොදන්නා බවයි.. මේ පිලිබදව සුනිල් හදුන්නෙත්ති මහතා රූපවාහිනී සංවාදයකදී පැහැදිලි කල අයුරු පහත වීඩියෝවේ දැක්වේ..
The post හර්ෂ ආණ්ඩුවේද? විපක්ෂයේද? ජනපතිගෙන් හර්ෂ ද සිල්වාගේ හිත පිරෙන්න තෑගි… හර්ෂගේ ව්‍යාපෘති යෝජනා 85ක් සදහා රුපියල් මිලියන පනහකට අධික මුදලක් රනිල් ලබාදෙයි.. appeared first on ColomboXnews.
Source From Colomboxnews
Author: Kamal Dhammika
#SriLanka #News #lka