කොළඹ නගරයට ඇතුළුවන ප්‍රධාන මාර්ග හතරක රථවාහන ධාවනය සඳහා නව ක්‍රමවේදයක් හඳුන්වා දුන් අතර එය පසුගිය සඳුදා සිට ක්‍රියාත්මක විය. කෙසේ වෙතත් අද දිනයේදී එම මාර්ග භාවිතා කරන යතුරුපැදිකරුවන්, ත්‍රිරෝද රථ රියදුරන් මෙන්ම බස්රථ භාවිතා කරන මගීන්ද දැඩි අපහසුතාවයට ලක්විය.
රජය මගින් හදුන්වාදුන් මෙම නව මංතීරු ක්‍රමය සමාජ මාධ්‍ය හරහා දැඩි විවේචන එල්ල කළ ඇතැම් පුද්ගලයන් ප්‍රකාශ කළේ එක ස්ථානයේ ඇතැම් විට පැයකට ආසන්න කාලයක් රැඳී සිටීමට සිදු වූ බවයි.
බස් රථ , ත්‍රීවිල් සහ මෝටර් සයිකල් එක් මංතීරුවක සිරවී පැය ගණන් කාලය මහමග කාදමන විට ඉතිරි මංතීරු දෙකෙහි සමහර අවස්ථාවල එකදු වාහනයක් හෝ ගමන් නොකරන අයුරු දැකග හැකිවිය.
ඇතැම් පුද්ගයන් විසින් මෙම මංතීරු ගැටළුව වීඩියෝගතකර සමාජ ජාල ඔස්සේ මුදාහැර තිබු අතර එහිදි වත්මන් ආණ්ඩුවේ මෙම වැඩපිලිවෙල දැඩිව විවේචනය කර තිබුණි.
දැනට ක්‍රියාත්මක වන ක්‍රමවේදය අනුව බස්රථ, ත්‍රිරෝද රථ සහ යතුරුපැදි වෙනුවෙන් එක් මංතීරුවක් වෙන්කර ඇති අතර සෙසු රථවාහන සඳහා අනෙක් මංතීරු වෙන්කර තිබේ. සමාජ ජාලා හරහා සංසරණය වන ඡායාරූපවල දක්නට ලැබුණේ මංතීරු තුනක් සහිත මාර්ගවල පවා මංතීරු දෙකක් හිස්ව තිබියදී යතුරුපැදිකරුවන් එක් මංතීරුවක සිර වී සිටින ආකාරයයි.
මගීන් සහ රියදුරන් පත් වූ අපහසුතාවය පිළිබඳව පොලිස් රථවාහන අංශය විශේෂ අවධානය යොමුකර ඇති අතර හෙට දිනයේ සිට යතුරුපැදිකරුවන් සහ ත්‍රිරෝද රථ වෙනුවෙන් වැඩි අවස්ථාවක් ලබාදීමට නියමිතය.
අප සිදුකළ විමසීමකට පිළිතුරු දෙමින් ජ්‍යෙෂ්ඨ පොලිස් අධිකාරී (රථවාහන සහ ක්‍රීඩා) කමල් පුෂ්පකුමාර මහතා සඳහන් කළේ මංතීරු තුනක් සහිත මාර්ගවල යතුරුපැදිකරුවන් සහ ත්‍රිරෝද රථ වෙනුවෙන් මංතීරු දෙකක් ලබාදීමට කටයුතු කරන බවයි. මංතීරු දෙකක් සහිත මාර්ගවලද විශේෂයෙන් යතුරුපැදිකරුවන්ට හැකි සෑම වේලාවකම ප්‍රමුඛතාවය ලබාදෙන බවද ඔහු සඳහන් කළේය.
ඒ අනුව හෙට දිනයේදී යතුරපැදිකරුවන්ට වැඩි අවස්ථාවක් ලබාදීම මත දැනට පවතින දැඩි තදබදය අවම වනු ඇති බවත්, ලබන සතිය වනවිට හඳුන්වා දුන් නව ක්‍රමවේදයේ ප්‍රතිඵල ලැබෙනු ඇති බවත් කමල් පුෂ්පකුමාර මහතා පවසනවා.
සමාජ මාධ්‍ය තුල වාර්තාවු වීඩියෝ සහ පෝස්ට් කීපයක් පහත දැක්වේ..
The post සමාජ ජාල විරෝධය පලදරයි – ආණ්ඩුව මංතීරු නීතිය වෙනස් කරයි..! හෙට සිට යතුරු සහ ත්‍රීවිල් වෙනුවෙන් තවත් මංතීරුවක්..! appeared first on ColomboXnews.
Source From Colomboxnews
Author: Kamal Dhammika
#SriLanka #News #lka