රෝයල් පාර්ක් මිනීමැරුම් සිද්ධිය සම්බන්ධයෙන් මරණීය දණ්ඩනය නියමවී සිටි ජූඩ් ශ්‍රමන්ත ජයමහ ට සමාව ප්‍රදානය කර නිදහස් කිරීමට එවක ජනාධිපති මෛත්‍රීපාල සිරිසේන මහතා ගත් තීරණය අන්තර්ගත ලේඛනය අධිකරණයට ඉදිරිපත් කරන ලෙස ශ්‍රේෂ්ඨාධිකරණය නීතිපතිවරයාට දැනුම් දී තිබේ.
අදාළ විත්තිකරුට ප්‍රදානය කරන ලද ජනාධිපති සමාව බලරහිත කරන ලෙස ඉල්ලා කාන්තා මාධ්‍ය සංවිධාන එකමුතුව විසින් ගොනුකළ මූලික අයිතිවාසිකම් පෙත්සමක් අද (30) විභාගයට ගත් අවස්ථාවේදී ශ්‍රේෂ්ඨාධිකරණ විනිසුරු මඩුල්ල විසින් මෙම නියෝගය නිකුත් කර තිබේ.
එස්. තුරෙයිරාජා, යසන්ත කෝදාගොඩ සහ ජනක් ද සිල්වා යන මහත්වරුන්ගෙන් සමන්විත ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ල ඉදිරියේ පෙත්සම් විභාගය පැවැත්වුණි.
රෝයල් පාර්ක් නිවාස සංකීර්ණයේදී ඉවෝන් ජොන්සන් නැමැති 19 වියැති තරුණිය ඝාතනය කිරීමේ වරදට මරණීය දණ්ඩනය ගෙවාදමමින් සිටි ජූඩ් ශාමන්ත ඇන්තනී ජයමහ නැමැති සිරකරු ජනපති පොදු සමාවක් දී නිදහස් කිරීමේදී සිදුවූ බව කියන අල්ලස් ගැනීමක් සම්බන්ධයෙන් කෙරෙන විමර්ශනයකට අදාලව හිටපු ජනාධිපති පාර්ලිමේන්තු මන්ත්‍රී මෛත්‍රීපාල සිරිසේන මහතාගෙන් 2022 අගෝස්තු 22 පැය 03ක පමණ කාලයක් අපරාධ පරීක්ෂණ දෙපාර්තමේන්තුව විසින් ප්‍රශ්න කර ප්‍රකාශ සටහන් කරගෙන තිබුණි.
හිටපු ජනාධිපතිවරයා සහ පාර්ලිමේන්තු මන්ත්‍රී අතුරලියේ රතන හිමියන් විසින් කළ පැමිණිලි දෙකක් මුල්කරගෙන මෙම විමර්ශනය අපරාධ පරීක්ෂණ දෙපාර්තමේන්තුව විසින් ආරම්භකරන ලද අතර මෛත්‍රීපාල සිරිසේන හිටපු ජනාධිපතිවරයා දෙරණ 360 දේශපාලන වැඩසටහනකදී රෝයල්පාක් නඩුවෙන් මරණීය දණ්ඩනය නියම වූ ජූඩ් ඇන්තනී ජයමහ නිදහස් කිරීමට මුදල් ලබාගැනීමක් යම් පාර්ශවයක් විසින් කර ඇති බවට තමාට වාර්තා වූ බවත් ඒ ගැන බුද්ධි අංශයෙන් වාර්තාවක් කැදවීමේදී එමගින්ද තහවුරු වූ බවත් කියා සිටියේය.
එම රූපවාහිනී වැඩසටහනේදී අතුරලියේ රතන හිමියන් ගැනද මෛත්‍රීපාල සිරිසේන මහතා පවසා තිබූ අතර මේ ගැන සොයා තමන් කෙරෙහි ඇතිවූ සැකයනැතිකරන ලෙස රතන හිමි සීඅයිඩීයෙන් ඉල්ලා සිටියහ.
2005 වසරේ ජුනි 20 වෙනිදා 19 හැවිරදි ඉවෝන් ජොන්සන් නැමැති ස්විස් ජාතික තරුණියට පහරදී ගෙල සිරකර බිත්තියේ හිස තදින් ගැටීමට සලස්වා මරා දමා තිබු අතර දීර්ඝ නඩු විභාගයෙන් පසු කොළඹ මහාධිකරණය විසින් සැකකාර ජූඩ් ශාමන් ඇන්තනී ජයමහාට වසර 12ක් බරපතල වැඩ ඇතිව සිරදඩුවමක් නියම කරනු ලැබීය. දඩුවමට එරෙහිව ඔහු අභියාචනාධිකරණයට පෙත්සමක් ගොනු කරත් අභියාචනාධිකරණයද මරණීය දඩුවම නියම කරනු ලැබීය.ඒ අනුව මරණ දඩුවම තහවුරු විය.
නමුත් 2016 වසරේදී ජනපති සමාවක් ඔහුට ලබාදුන්නේ ඔහුට වයස තියනවා ආචාර්ය උපාදියක් කරනවා කියමිනි. රතන හිමියන් එම පවුලේ උදවිය හිටපු ජනපතිවරයාට මුණගැස්වූ බවද පවසා තිබුණි. නිදහස ලද පසු රටින්ට පිටව ගිය ඔහු සොයා ගැනීමටද නොහැකි බව අපරාධ පරීක්ෂණ දෙපාර්තමේන්තුව වාර්තා කර තිබුණි.
මිනීමරුවෙකුට ජනාධිපති සමාව දෙන්න කෝටි 10 ක් අල්ලස් අරන්. ප්‍රබල අනාවරණයක්. විඩියෝව පහතින්
වැඩිදුරටත් කියවන්න…
ශ්‍රමන්ත ජූඩ් ඇන්තනී නිදහස් කලේ රතන හිමිගේ ඉල්ලිම මතයි – ජනාධිපති මාධ්‍ය අංශයෙන් විශේෂ නිවේදනයක්
The post රෝයල් පාර්ක් ඝාතකයාට ජනාධිපති සමාවදීමට කෝටි 10ක් අරන්… රතන හිමිට – මෛත්‍රීට වැඩ වරදින ලකුණු..! ජූඩ් ශ්‍රමන්තට මෛත්‍රී ජනපති සමාව ලබාදීම නැවත විමසුම ශ්‍රේෂ්ඨාධිකරණය අරඹයි appeared first on ColomboXnews.
Source From Colomboxnews
Author: Kamal Dhammika
#SriLanka #News #lka