රියදුරු බලපත්‍රයක් නොමැතිව අපරික්ෂාකාරීව සුඛෝපභෝගී ජීප් රථයක් ධාවනය කර අනතුරක් සිදුකිරීම හේතුවෙන් නුගේගොඩ කොට්ඨාස භාර ජ්‍යෙෂ්ඨ පොලිස් අධිකාරීවරයාගේ දියණිය සහ තවත් පුද්ගලයෙකු කුරුඳුවත්ත පොලිසිය විසින් අත්අඩංගුවට ගෙන පොලිස් ඇප මත නිදහස් කර තිබේ.
කෙසේ වෙතත් පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පැවසුවේ අනතුරින් පුද්ගල හානි කිසිවක් සිදු නොවීම යන කරුණ සලකා ඇයට ඇප ලබාදුන් බවය.අනතුර සිදුවන අවස්ථාවේ රථයේ සිටි තවත් අයෙක් අත්අඩංගුවට ගෙන ඇප මත නිදහස් කළ බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පැවසීය.
මීට පෙර පොලිස් නිලධාරියෙකුට මරු කැඳවමින් බම්බලපිටිය ප්‍රදේශයේදී රිය අනතුරක් සිදුකර තිබුණේද මෙම ජ්‍යෙෂ්ඨ පොලිස් අධිකාරීවරයාගේම පුත්‍රයෙක්.
නුගේගොඩ කොට්ඨාසය භාර ජ්‍යෙෂ්ඨ පොලිස් අධිකාරීවරයාගේ දියණිය පදවාගෙන ආ සුඛෝපභෝගී ජීප් රථය පාලනය කර ගැනීමට පාලනය කර ගැනීමට නොහැකි වීමෙන් ඊයේ පස්වරුවේ මෙම අනතුර සිදුව තිබුණා.
නිදහස් මාවත ආසන්නයේ නෙළුම් පොකුණ රඟහල අසල පිහිටා තිබූ මොටර් රථ ප්‍රදර්ශනාගාරයේ ගැටී සිදුවූ මෙම අනතුරින් ප්‍රදර්ශනාගාරයට හා එහි තිබූ සුඛෝපභෝගී මෝටර රථ කිහිපයකට අලාභ හානි සිදුවී තිබේ.
කොළඹ නන්දා මෝටර්ස් වාහන අංගනයට කඩා වදිමින් තරුණියක පැදවූ ටොයොටා ලෑන්ඩ් කෘසර් වර්ගයේ ජීප් රථය අනතුරක් සිදුකරගත් පසු එම ස්ථානයට පැමිණි පිරිස් ජංගම දුරකථන වලින් විවිධ වීඩියෝ ගත කිරීම් ඡායාරූපගත කිරීම් සිදුකරන්නට වූ අතර එම අවස්ථාවේ අදාළ තරුණිය ඒවාට නොකැමතිවූ බව පැවසේ.
මේ අතරවාරයේ කිසියම් අයෙකු ඇය වෙනුවෙන් වාහනයේ අංක තහඩු ඉවත් කර ඇත්තේ අනන්‍යතාවය සැඟවීමටය. අනතුරට ලක්වූ මෝටර් රථයේ අංක තහඩු ගලවා ඉවත්කරන ආකාරය ද කැමරාවල සටහන්ව තිබුණි.
The post රියදුරු බලපත්‍රයක් නොමැතිව මෝටර් රථය පැදවා බරපතල අනතුරක් කල නුගේගොඩ ජ්‍යෙෂ්ඨ පොලිස් අධිකාරීවරයාගේ දියණිය පොලිස් ඇප මත මුදාහරී appeared first on ColomboXnews.
Source From Colomboxnews
Author: Kamal Dhammika
#SriLanka #News #lka