යතුරු පැදි වෑන් රථයක් අනතුරක් හේතුවෙන්  වෑන් රථයේ පැටලුණු කාන්තාවක කිලෝ මීටරයක් ඇද ගෙන යයි

යතුරු පැදි  වෑන් රථයක් අනතුරක් හේතුවෙන්  වෑන් රථයේ පැටලුණු කාන්තාවක  ඇදෙන යද්දී වෑන් රථය පසු පස පන්නාගොන් ඇය බේරාගෙන ඇතැයි දිවුලපිටිය පොලිසිය කියයි. 

යතුරුපැදියේ පිටුපස අසුනේ ගමන් කළ කාන්තාවක එසේ කිලෝමීටරයක් තරම් දුරකට ඇදගෙන ගොස් ඇත. 

දිවුලපිටිය ,මීගමුව ප්‍රධාන මාර්ගයේ මරදගහමුල 12 කණුව ප්‍රදේශයේ දී එම අනතුර සිදුව තිබේ.

බරපතල තුවාල ලැබූ කඩවල , මිල්ලගහවත්තේ පදිංචි 41 හැවිරිදි කාන්තාව කොළඹ ජාතික රෝහලේ දැඩි සත්කාර ඒකකයේ ප්‍රතිකාර ලබන බව පොලිසිය කියයි.‍

යතුරු පැදිය දිවුලපිටිය ප්‍රදේශයේ සිට මීගමුව දෙසට ධාවනය කරද්දී  අතුරු මාර්ගයකින් ආ මෝටර් රථයකට ඉඩ දීම සඳහා යතුරුපැදියේ වේගය අඩු කර ඇත. 

එම අවස්ථාවේ යතුරු පැදියට පිටුපසින් පැමිණි  වෑන් රථය යතුරු පැදියේ සහ මෝටර් රථයේ ගැටී තිබේ.

වෑන් රථය යතුරු පැදියේ ගැටෙනවාත් සමග යතුරු පැදියේ පිටුපස ගමන් කළ කාන්තාව වෑන් රථය යටට විසි වී ගොස් එහි පැටලී ඇත. 

අනතුරත් සමග වෑන්  නොනවත්වා  ධාවනය කර ඇති අතර  අවට සිටි පිරිස  යතුරු පැදි සහ වාහනවලින් වෑන් රථය පිටුපස හඹා ගොස් ඇති බව පොලිසිය කියයි.

පසුව ලොරි රථයක් හරස්කර වෑන් රථය නවතා බරපතළ තුවාල ලබා සිටි කාන්තාව බේරා ගැනීමට මහජනතාව කටයුතු කර ඇති බව පොලිසිය සදහන් කලේය.

බීමත්ව සිට ඇති වෑන් රථයේ රියදුරු පලා යාමට ගත් උත්සාහයේදී කුපිත වූ ජනතාව විසින් අනතුර සිදු කළ වෑන් රථ රියදුරුට පහර දීම හේතුවෙන් එම රියදුරුව රෝහල් ගත කර ඇති බව පොලිසිය කියයි.

මීරිගම , ගුරුගොඩැල්ල ප්‍රදේශයේ පදිංචිකරුවකු වන 38 හැවිරිදි සැකකාර රියදුරුව මිනුවන්ගොඩ මහේස්ත්‍රාත් අධිකරණය හමුවට ඉදිරිපත් කිරීමට නියමිතව තිබුණි .

The post යතුරු පැදි වෑන් රථයක් අනතුරක් හේතුවෙන්  වෑන් රථයේ පැටලුණු කාන්තාවක කිලෝ මීටරයක් ඇද ගෙන යයි appeared first on ColomboXnews.