මැදපෙරදිග රටවල් 6ක සිට පැමිණෙන ගුවන් මගීන්ට හෙට (01) සිට බලපැවැත්වෙන පරිදි පනවා තිබූ තාවකාලික තහනම කොන්දේසි කිහිපයකට යටත්ව ඉවත් කළ බව ශ්‍රී ලංකා සිවිල් ගුවන් සේවා අධිකාරිය කියා සිටී.
කටාර්, ඕමාන්, බහරේන්, එක්සත් අරාබි එමීර් රාජ්‍යය, සෞදි අරාබිය සහ කුවේට් යන මැදපෙරදිග රටවල සිට පැමිණෙන ගුවන් මගීන්ට කොවිඩ් වසංගතය හේතුවෙන් ජුලි 1 වන දා සිට ජූලි 13 වන දා දක්වා තාවකාලික තහනමක් පැනවීමට සිවිල් ගුවන්සේවා අධිකාරිය ඊයේ (29) තීරණය කළ අතර එම තහනම කොන්දේසි කිහිපයක් යටතේ අද (30) ඉවත් කළ බවද එම අධිකාරිය කියා සිටී.
ඒ අනුව එම රටවල සිට මෙරටට පැමිණෙන සියලු ගුවන් මගීන් සතුව ආසාදිත නොවන බව තහවුරු කිරීමට පීසීආර් වාර්තාවක් තිබිය යුතු බවත් , අදාළ ගුවන් සමාගම මගියා ගුවන් යානයට ගොඩවීමට පෙර ඒ පිළිබඳ ව සොයාබැලිය යුතු බවද ගුවන් සේවා අධිකාරිය කියා සිටී.
එම පීසීආර් වාර්තාව රජයේ හෝ අනුමත කළ ආයතනයකින් ලබාගත යුතු අතර, ඊට අදාළ කිව්.ආර් සහ බාර් (QR/Bar ) කේත එහි සඳහන් විය යුතු බවද අධිකාරිය පෙන්වා දේ.
ගුවන් මගීන් ඉදිරිපත් කරන පරීක්ෂණ වාර්තාවල නිරවද්‍යතාවය සම්බන්ධයෙන් ගුවන් සමාගම තෘප්තිමත් විය යුතු බවද , ඒසේම ගුවන් මගීන් ඉදිරිපත් කරන ඇන්ටිජන් පරීක්ෂණ වාර්තා පිළිනොගත යුතු බවද සිවිල් ගුවන් සේවා අධිකාරිය පෙන්වා දේ..
පිළිගත් සම්පූර්ණ වාර්තා ඉදිරිපත් කොට පැමිණෙන මගීන්ට මෙරට ඒමට අවසර ලැබෙන්නේ හෝටල් නිරෝධායනයට ලක්වීමට හෝ ශ්‍රී ලංකා සංචාරක මණ්ඩලයේ ජෛව ආරක්ෂිත බුබුල සංකල්පය මත පමණක් බව සිවිල් ගුවන් සේවා අධිකාරිය නිකුත් කළ කොන්දේසි වල සදහන් වේ.
කෙසේවෙතත් ගපන 31 වනදා දක්වා ඇංගෝලාව, බොස්ට්වානා, ලෙසෙතෝ, මොසැම්බික්, නැම්බියාව, ස්වාසිලන්තය, සැම්බියාව සහ සිම්බාබ්වේ යන රටවල් සිට පැමිණෙන මගීන් සඳහා පැනවු තහනම තවදුරටත් ක්‍රියාත්මක වන බවශ්‍රී ලංකා සිවිල් ගුවන් සේවා අධිකාරිය කියා සිටී.
The post මැදපෙරදිග රටවල් 6ක ගුවන් තහනමත් රිවස් වෙයි appeared first on ColomboXnews.
Source From Colomboxnews
Author: Kamal Dhammika
#SriLanka #News #lka