මාලිමාව පරදවන්න සජිත් – රනිල් – පොහොට්ටුව සහ පෙරටුගාමීන් එකම වේදිකාවකට

එළඹෙන පළාත් පාලන මැතිවරණයෙන් පසුව අදාළ ආයතනවල බලය එක්සත් ජාතික පක්ෂය පොහොට්ටුව සහ සමගි ජන බලවේගය එක්ව පිහිටුවන බව එලිපිටම පිළිගැනීමෙන් එම පක්ෂ තුනේ පරාජය තහවුරු කර ගෙන ඇත.

මේ වනවිට මැතිවරණ වේදිකාවේද එක්සත් ජාතික පක්ෂය පොහොට්ටුව සහ සමගි ජන බලවේගය තම එකම ප්‍රතිවාදියා බවට පත්කරගෙන ඇත්තේ ජවිපෙ ප්‍රමුඛ ජාතික ජන බලවේගය බව මනාව පෙනී යයි. එම වේදිකාවල සෑම කතිකයෙක්ම පාහේ තම කතාව තුල වැඩි ඉඩක් වෙන් කරන්නේ ජවිපෙට සහ ජාතික ජනබලවේගයට පහරදීම සදහාය. විශේෂයෙන් සමගි ජන බලවේගයේ නායක සජිත් පේමදාස පසුගිය දිනවල සෑම මැතිවරණ වේදිකාවකම තම කතාව තුල අනුර කුමාර දිසානායක සහ ජවිපෙ විවේචනය කිරීම කැපී පෙනේ.

මීට අමතරව හිරුණිකා ප්‍රනාන්දු, රෝහිණී කවිරත්න, තිස්ස අත්තනායක, විජිත් විජිතමුණි ද සොයිසා , කබීර් හෂීම්, පී හැරිසන්, එස්. එම් මරික්කාර්, අජිත් පී පෙරේරා වැනි සමගි ජන බලවේගයේ කථිකයින් රැසක් ජවිපෙට එරෙහිව දැඩි ප්‍රහාරයක් එල්ලකරන අයුරු දැකිය හැකි සුළභ දසුනකි.

සමාජ ජාල මාධ්‍ය තුලද මෙම සාමුහික ප්‍රවනතාවය කැපී පෙනෙන අයුරින් දැකිය හැකි අතර ජාතික ජනබලවේගයට එරෙහිව විවිධ අසත්‍ය ප්‍රවෘත්ති සහ මඩ අවලාද නැගීම දැකිය හැකිය. මෙහිදී පෙරටුගාමී සමාජවාදී පක්ෂයද තම ප්‍රධාන සතුරා ලෙස ජවිපෙ තෝරාගෙන තිබීමද කැපී පෙනේ.

එක්සත් ජාතික පක්ෂයෙන් නියෝජ්‍ය නායක රුවන් විජේවර්ධන පසුගියදා (26) මාධ්‍ය වෙත අදහස් පළ කරමින් මෙම ඉදිරි සැලමසුම ප්‍රකාශ කර ඇත. පොහොට්ටු පක්ෂය සහ සමගි ජන බලවේගය සමඟ මේ වනවිටත් සහයෝගයෙන් ක්‍රියාකරමින් සිටින අතර එම පක්ෂ දෙක සමඟ එක්වී එක්සත් ජාතික පක්ෂය විසින් පළාත් පාලන ආයතනවල බලය පිහිටුවන බව වැඩි දුරටත් සදහන් කර ඇත.

පසුගිය වසරේ මැයි 09 වෙනි දින එවකට සිටි අගමැති මහින්ද රාජපක්ෂ ඉවත් වීමෙන් පසුව ගෝඨාභය විසින් අගමැති ලෙස රනිල් වික්‍රමසිංහ පත්කරනු ලැබීය. ඉන්පසුව ගාලු මුවදොර අරගලය සම්බන්ධයෙන් ක්‍රියා කිරීමේ කමිටුවක් පක් කරනු ලැබූ අතර එහි ප්‍රධානියා ලෙස රුවන් විජේවර්ධනට වගකීම් පවරා ඇත.

මෙම පක්ෂ තුන එක්වී ක්‍රියාකරන බව හරීන් ප්‍රනාන්දු ඇමතිවරයා ද පසුගිය 25 වෙනිදා මාධ්‍යට ප්‍රකාශ කර ඇත.

The post මාලිමාව පරදවන්න සජිත් – රනිල් – පොහොට්ටුව සහ පෙරටුගාමීන් එකම වේදිකාවකට appeared first on ColomboXnews.