මහජන උපයෝගිතා කොමිසම අහෝසී කිරීම විදුලිබල ඇමති දන්නෙත් නැහැ – පී.බී ගේ වැඩ ගැන ඩලස් කළකිරීමෙන් කතා කරයි..

මහජන උපයෝගිතා කොමිසම අහෝසි කිරීම සම්බන්ධයෙන් තමන් විදුලිබල අමාත්‍යවරයා ලෙස කිසිවක් දැනුවත්ව නොසිටි බව විදුලි බල අමාත්‍ය ඩලස් අලහප්පෙරුම මහතා සඳහන් කරයි.

එම කොමිසම වසා දැමීමට පියවර ගන්නැයි ජනාධිපති ලේකම් පී බී ජයසුන්දර මහතා විසින් භාණ්ඩාගාර ලේකම්වරයාට උපදෙස් ලබා දෙමින් යොමු කරන ලද ලිපිය විදුලිබල අමාත්‍යවරයා ලෙස තමන් සමග සාකච්ඡා කර හෝ තමන් දැනුවත්ව යවන ලද ලිපියක් නොවන බවද ඔහු පවසයි.

යම් නියාමනයක් අනිවාර්යෙන්ම අවශ්‍ය බවද පවසන ඇමතිවරයා ඉදිරි කැබිනට් මණ්ඩලයේදී මේ ගැටළුව සම්බන්ධයෙන් සාකච්ඡා කරන බවත් සදහන් කරයි.

එමෙන්ම අගමැති මහින්ද රාජපක්‍ෂ මහතා පාර්ලිමේන්තුවට ඉදිරිපත් කළ ආකාරයේ සංශෝධන පමණක් සිදුවන බවද ඔහු කියා සිටියේය.

ඇමතිවරයා මේ බව කියා සිටියේ කොළඹ දී පැවති මාධ්‍ය හමුවක් අමතමිනි.

The post මහජන උපයෝගිතා කොමිසම අහෝසී කිරීම විදුලිබල ඇමති දන්නෙත් නැහැ – පී.බී ගේ වැඩ ගැන ඩලස් කළකිරීමෙන් කතා කරයි.. appeared first on ColomboXnews.